Joshua 10:13 - Keley-i Bible (Antipolo Ifugao)

¹³ Et umineng hu aggew ey bulan ingganah ni inapput idan helag Israel hu buhul da. Neitudek huyyad Libluh nan Jashar. Immineng hu aggew di gawwan kabunyan et eleg malinug e beken ni henin kameippahding ni kewa-wa-wa.

Joshua 10:13 Iomraidhean Croise

2 Samuel 1:18

Et iolden tu e mahapul ni meituttudduddan emin ni helag Judah. Huyyan a-appeh ey neitudek etan di libluh nan Jashar.

2 Kings 20:10

Kan Hesekiah ey “Nelakah ni mampeahpat hu allinnew ni agdan ni hampulun akad nem ya mampeehpen. Pinhed kun um-ehpen ni hampulun akad.”

Esther 8:13

Nekapya huyyan olden niya neipeamtad emin ni probinsiya ma-lat mandaddan ida Jews ni mekihhangga hedin medettengan humman ni nagtud ni aggew.

Job 9:7

Kabaelan tun eleg peukkat hu aggew niya bittuwen.

Psalms 148:3

Anin ni hi-gayuddan aggew, ya bulan niyadda bittuwen, et daydayaw yu dama hi Apu Dios.

Psalms 19:4

nem humman ni kaweda da hu kamengippeang-ang idan katuutuud puyek ni kawedan Apu Dios. Wineda tu hu kabunyan ni panha-adan ni aggew

Isaiah 24:23

Me-ngetan ali bulan niya eleg ali law umpetang hu aggew, tep mampatul ali law hi Apu Dios e Kabaelan tun emin. Hi-gatulli man-ap-apu et yallid Duntug e Zion di Jerusalem panha-adan tu, et panhin-aang-angan idan kamengipappangngulun tutu-u hu dayaw tu.

Isaiah 38:8

Pehunnay alin Apu Dios hu allinnew ni aggew etan di teytey ni impekapya lan patul e hi Ahas ni hampulun akad.” Entanniy immamnu e himmunay hu allinnew etan di teytey ni hampulun akad.

Joel 2:10

Hedin ida kamenglaw, man kamanyegyeg hu puyek niya kameiggiwwed hu kabunyan. Kame-ngesi hu aggew niya bulan niya eleg law umdilag ida bittuwen.

Joel 2:31

Me-ngetan ali aggew niya umdalang ali bulan et heni kuheyaw et han medatngan humman ni anggetakkut ni aggew ni gintud kun pengastiguan kun tutu-u.

Joel 3:15

Me-ngetan ali aggew niya bulan niya eleg idalli law umdilag bittuwen.

Habakkuk 3:11

Hedin impalaw mu hu panam niya indehnag mu hu pahul mun kaumhili litaak da ey kamehephepi benang ni aggew niya bulan.

Numbers 21:14

Et mukun yad Libluh ni Meippanggep idan Gubat Apu Dios ey neitudek diman hu “Yad bebley e Waheb di Suphah et yadda deplah ya Wangwang e Arnon,

Numbers 31:2

“Kastigum ida tutu-ud Midian tep ya impahding daddan helag Israel. Hedin negibbuh ni impahding mu humman ey mettey ka law.”

Matthew 24:29

Intu-man Jesus ni immehel et kantuy “Hedin melebbah ida humman ni aggew ni panligligatan, ey me-ngetan hu aggew niya bulan. Mangke-gah alid puyek hu bittuwen. Yan nunman ali ey endi petekkan tuddan wadad kabunyan, tep meendilli kabaelan da.

Matthew 5:45

ma-lat peang-ang yu hu henin elaw nan Apu Dios e Ametayud kabunyan. Tep hi Apu Dios ey wineda tu hu petang ma-lat maptangan ni emin hu tuu, anin ni kayyaggud elaw da winu lawah. Tuka peelli hu udan ni penennum ni emin ni tuu anin ni limpiyuh nemnem da winu beken ni limpiyuh.

Luke 18:7

Et humman hu, nema-ma ngu hi Apu Dios e mahmek niya tuka dedngela dasal idan tuu tu. Em, makulug ni tuka baddangidda tuu tun kamandasadasal ni kewa-wa-wa niyan kahilehileng.

Acts 2:20

Me-ngetan ali aggew niya mambalin alin heni kuheyaw hu bulan et han medatngi humman ni anggetakkut ni aggew ni gintud kun penuwetan kuddan tuud puyek.

Joshua 10:11

Ida kamemsik hu edum ni Amorite e ida kamandayyu ma-lat ibsikan dadda helag Israel, ey nan-egah Apu Dios hu etta-teng ni dallallun hi-gada ingganah di Asekah. Et daddakkel hu netey ni hi-gadan na-gahan ni dallallu nem yadda pintey idan helag Israel.

Joshua 10:14

Hi Apu Dios hu nekihanggan buhul ni helag Israel ni nunman ni aggew. Endi henin nunman ni nenumang Apu Dios ni hakey ni tuun nandasal ni hi-gatu neipalpun nunman ingganah ni nunya.

Revelation 21:23

Eleg mahapul hu aggew niya bulan diman tep kadillagiddan dayaw di Apu Dios et ya etan Impah ni Kalneroh.

Revelation 6:10

Intekuk ida etan ni linnawa e kanday “Apu e Han-ipahding tun emin, kayyaggud kan peteg niya hi-gam hu makulug ni Dios. Pigan tu panhuwetan mun tuu et kastiguen mudda etan nematey ni hi-gami?”

Revelation 6:12

Entanni ey inang-ang ku e ingkal etan ni Impah ni Kalneroh etan neika-nem ni impamket da etan di papil ey pinhakkeyey nanyegyeg ni na-let. Nak i-ang-ang di aggew ey nambalin ni andeket e heni andeket ni luput. Ey nambalin etan netullikeng ni bulan ni madlang e heni kuheyaw.

Revelation 8:12

Impatnul etan ni neika-pat ni anghel hu tangguyup tu ey neendi hu ingkatlun benang ni aggew, ya bulan niyadda bittuwen. Et engeenget ni ingkatlun aggew niya labbi.

Judges 16:28

Entanni ey nandasal hi Samson nan Apu Dios e kantuy “Keta-ta-geyyan ni Dios, nemnem muwak anhan. Apu Dios, pa-let muwak anhan, anin ni yan nunyan ebuh et ibleh ku hu nengukitan idan iPilistia ni dewwan matak.”

Judges 5:2

“Hi Apu Dios hu medeyyaw! Tep timmuled ida helag Israel ni mekiggubbat.