Joel 3:3 - Keley-i Bible (Antipolo Ifugao)

³ Ya hakey mewan ni impahding da ey imbubunut da mengellan balud ni tutu-uk. Niya inggatang dadda kaungaunga ma-lat wada pemeyyad dan bibi-in daka pebeyyad annel da niya ma-lat wada iggatang dad meinnum.

Joel 3:3 Iomraidhean Croise

Job 6:27

Dammutu pay ni pambalin yudda nepu-hig ni himbut niya dammutun iggatang yu gagayyum yu.

Ezekiel 27:13

Yadda kamanggettang ni kamelpud Greece, yad Tubal niyad Meshek ey yadda etan himbut niya giniling hu daka pemeyyad ni daka gettangan ni hi-gayu.

Joel 1:5

Imutalngi yu, hi-gayun kamambuttebutteng et nannangngihan yu hu nebahbah ni intanem yun grapes, tep endi law kapyaen yun baluh ni meinnum.

Amos 2:6

Kan Apu Dios ey “Nanliwaliwat ida dama tutu-ud Israel et mukun nanna-ud ni kastiguen kudda. Daka pambalin ni himbut hu kayyaggud ni tutu-u tep daka gamgami pihhuh. Da mewan kapanhimbut hu nekawwetwet tep eleg da hambayad hu patut ni inutang dan hi-gada.

Obadiah 1:11

Eleg yudda hanguden ni baddangan eman ni makahhapul da baddang yu. Impemegga yu tettekel ni hi-gadan inlian ni buhul da et alen da kinedangyan ni Jerusalem et gegedwaen da. Heni kayu damengu buhul da.

Nahum 3:10

Nem neapput humman e bebley e Tebes et sakupen ni edum ni bebley et mambalin idan balud hu bimmebley. Nampatey idan buhul dan sindalu hu gegellang diman et maiwahhiwahhit idad keltad. Niya binangkiling dadda ap-apudman et ibubunut idan sindalu hu mengallan hi-gada et pambega-en dadda.

Revelation 18:13

yadda insensoh, yadda mira, yadda lana, yadda kameinnum, yadda kennen niyadda nangkenginan kaikkamdug di kennen, yadda newang, baka, kalneroh, kebayyu, kalesah, niyadda himbut, niyaddan emin hu kameiggettang ni wadadman.