Joel 2:7 - Keley-i Bible (Antipolo Ifugao)

⁷ Na-let idan umbesik e henidda nelaing ni sindalu niya daka kellaba luhud ni bebley. Ida kamantu-tu-nud ni umlaw di lawwan da e endi kamehi-yan.

Joel 2:7 Iomraidhean Croise

2 Samuel 1:23

Nemnem tayud Saul nan Jonathan e han-ama e kakkayyaggud idan hi-gatsu. Yan ketaggu da ey ida kameka-unnud. Ey nan-unnud ida mewan ni neteyyan da. E-ellistudda nem ya tuldu niya na-na-let ida nem ya lion.

2 Samuel 5:8

Yan nunman la ey kan David idan sindalu tu ey “Kaw wadan hi-gayu henin hi-gak e anggebe-hel tuddan peteg hu Jebusite et ihik tun petteyen ida? Hedin wada, lakkayuy! Iunud yud kinapya dan dalan ni danum et yu pampateyen ida humman ni kandan nekulap ey nepi-day.” Et mukun kanday “Eleg pakahgep di Baley Apu Dios hu nekulap niya nepi-day.”

1 Chronicles 12:36

Yad helag Asher ey 40,000 ni sindalun nandaddan ni mekiggubbat.

Job 16:14

Hi Apu Dios ey heni etan ni sindalun nemahhig bunget tu e e-eggel ni liniputan tuwak.

Psalms 19:5

e hedin newa-wa, man kameukkat, heni etan ni lakin melehhin e kaman-am-amleng ni kelehhinan tu ey heni etan ni kameki-apput ni bebbessik e ihik ni an meki-apput.

Proverbs 30:27

Ya meikkatlu ey yadda dudun e endi patul da, nem ida kaman-uunnud ni umtayab insigun di saad dan heniddan sindalu.

Jeremiah 5:10

Nanna-ud ni kastiguen kudda, et humman hu peelik ali buhul dan memahbah ni hi-gada. Pampetteyen idallin buhul dadda tep beken kudda tuu. Nem e-helan kuddalli ma-lat eleg dadda pateyen ni emin et wadadda metdaan.

Joel 2:8

Eleg ida manhihinneksing, ey wada hakkey ni hi-gada ey ida kamengan-andeng ni menglaw. Daka pampaytuka hu neihenid dellanen da niya endi dammutun mengippesikked ni hi-gada, anin ni hipan almas ussalen da.

Joel 2:9

Daka keyya-muni hu bebley. Niya daka pangkalaba luhud ni hinggep da baballey e henidda mangkatekew, tep daka pan-idlan di habhabyen.