Joel 2:22 - Keley-i Bible (Antipolo Ifugao)

²² Anin ni hi-gayuddan animal, et entan takut yu, tep simmemel ida law helek ni kennen yu. Limmameh ida law keyew, anin idan fig niyadda grapes.

Joel 2:22 Iomraidhean Croise

Genesis 4:12

Endilli ennien mu anin ni ippenaptek mu intanem mu. Ey endilli law maptek ni panha-adam et ka law manhawahawang.”

Psalms 36:6

Ey nehammad hu kakinayyaggud mu henin duntug e neihammad di sinuunan tu. Hanniman daman kinalimpiyuh mu e kamei-ellig di kadinallem ni baybay. Apu Dios, muka ippaptek hu tuu niya animal.

Psalms 65:12

Em, tep emin di kedunduntug ey nenapnapan ida pattullan ni kalneroh. Ey nangketaneman ni pagey hu nedeklan. Emin ida humman ni winedam ey heni daka pan-itkuk hu a-appeh da tep ya amleng da.

Psalms 67:6

Impanyaggud mu hu inggaud mi et mehawwahawwal hu bendisyon mun hi-gami e Apu Dios e Dios mi.

Isaiah 51:3

Hanniman ali mewan pehding ku e hehmekek hu Zion et iyayyaggud kun emin hu nebahbah di bebley. Anin idan desert ni bebley di Israel et peyaggud ku et pambalin kun legunta et heni lan leguntak e Eden. Man-am-amleng idalli tutu-udman et man-a-appeh idallin penaydayaw da niya pansalamatan dan hi-gak.

Ezekiel 36:30

Em pedakkel ku hu illameh idan keyew ni kamekkan lameh tu niyadda etan edum ni yuka ittanem ma-lat eleg kayu mabisil et eleg dakeyu babbaingan idan tutu-ud kebebbebley.

Ezekiel 36:35

Yallin pengibbangngadan dakeyu ey emin ali law hu tutu-u ey kanday ‘Yan eman ni neiwallengan eyan bebley ey heni desert hu ang-ang tu, nem yan nunya ey heni garden di Eden. Anin idan nangkebahbah ni bebley ni nunman et nangkeiyayyaggud law ni neluhud niya nangkebebleyan ida.’

Ezekiel 36:8

Nem hedin yadda tuuk ni iIsrael ni ngannganih law hu ennamutan da, man wada kennen dan keibbangngadan da, tep manlemmeh ida keyew ni kamekkan lameh tu.

Jonah 4:11

Nem lebbeng tun hehmekek ida hu tutu-ud Nineveh tep nehuluk ni hanggatut et dewampulun libudda e eleg da amta hu neiptek ni pehding da, niya dakel animal da.”

Haggai 2:16

ey hedin nan-ani kayu, ey kanyu nem wada hu ennien yun dewampulun langgusih, nem endi, tep hampulun ebuh ni langgusih hu ineni yu. Kanyu mewan nem umlaw di neliman galon hu metluan ni kinapya yun meinnum, nem yu ang-angen ni dewampulun ebuh.

Sekariah 8:12

Melinggep idallin mantennem ni ittanem da. Makallameh ali ittanem dan grapes niya emin alin hipan ittanem da. Niya peellik ali dakel ni udan ni menennum ni intanem da. Iddawat kullin emin ida huyyan panyaggudan idan natdaan ni tutu-uk di Judah niyad Israel.

1 Corinthians 3:7

Beken ni ya etan nengitnem winu ya etan nenaddannum hu importanteh, nem hi Apu Dios, tep hi-gatu hu kamengippatmel.