James 3:8 - Keley-i Bible (Antipolo Ifugao)

⁸ Nem endi tuun hankekkenneng tu bungut tu. Ya bungut ey kakelpuin lawah ni kaumbahbah e heni kedet ni kaumpatey.

James 3:8 Iomraidhean Croise

Psalms 140:3

Ya daka heppita ey lawah ni peteg e kamei-ellig di gitan uleg e kaumpatey.

Psalms 55:21

Malumi-ih ni peteg hu tuka penge-ehhel, nem ya kakulugan tu ey napnun hingit hu nemnem tu. Ey ma-nut kayyaggud dengel ni ehel tu, nem heni makattaddem ni hinallung e kaumliput.

Psalms 57:4

Liniktub da-ak ida eyan buhul kun henidda layon e makan ni tuu. Yadda lawah ni daka pehpehding ey kamei-ellig di pana niya pahul ni kamanlipput ni annel. Ey kamei-ellig di matedem ni ispadah hu ehel da.

Psalms 58:4

Ya ehel da ey kamei-ellig di gitan uleg e kaumpatey. Ey henidda hakuku e daka kahintuttullengi.

Psalms 59:7

Daka tenattakkuta edum da niya ida kamemadpadngel. Emin hu daka e-hela ey makakkaggeh nem ya hu kalippusin matedem ni ispadah. Ey kanda ni-nganguy “Kaw dedngelen daitsun Apu Dios?”

Proverbs 17:20

Ya etan tuun beken ni limpiyuh hu nemnem tu ey beken ni kayyaggud hu mekapkapyan hi-gatu. Hedin itek hu kae-e-hela, man umhulun ni pekibbekkalan ni edum ni tuu.

Ecclesiastes 10:11

Endi law silbi tun an pengeyyuman ni uleg hedin killat daka.

Romans 3:13

Ya bungut da ey kamei-ellig etan di eleg matengeb ni kulung e kamanhemmuy, tep lawah hu daka heppita. Daka he-ula edum dan tuu. Ya daka heppita ey lawah ni peteg e kamei-ellig di gitan uleg e kaumpatey.

Deuteronomy 32:33

henidda mewan meinnum ni nekapyad gitan uleg.

James 3:6

Makulug ni ya bungut tayu ey heni kaumhihinyab ni apuy ni memahbah ni hi-gatsu, tep kakelpuin dakel ni lawah ni ehel. Ya lawah ni kae-helan bungut ni kaumbahbah ey nalpun Satanas. Et huyya tayu kapanligligasi eyan ketaggu tayu.

James 3:7

Ya tuu ey dammutun eyyumen tu nambakbaklang ni animal, yadda sisit, yadda kaumbuluh niyadda wadad baybay, henin deleg, niyadda edum ni klasih ni animal.

Revelation 12:9

et egahen daddad puyek. Humman ni dragon etan la uleg nunman, e hi-gatu etan dimonyoh e hi Satanas e kaumhauhaul ni tuud puyek.