James 3:10 - Keley-i Bible (Antipolo Ifugao)

¹⁰ Hi-gayuddan agik, lawah hedin ussalen tayu hu bungut tayun penaydayaw tayun Apu Dios, ey ussalen tayu mewan ni menghel ni lawah meippanggep ni edum tayun tuu. Hi-gayuddan agik, etan tu ipahding hu hanniman, tep beken huyyan elaw ni pinhed Apu Dios.

James 3:10 Iomraidhean Croise

Genesis 20:9

Et paeyag tu hi Abraham et kantuy “Hipa huyyan mu impahding ni hi-gak? Hipa nak impahding et dakemi idwatan ni kebahbahan mi? Beken ni lebbeng ni an meippahding huyyan hi-gak. Kele mu impahding huyya?”

2 Samuel 13:12

Nem kan Tamar ey “Entan tuwak anhan pilit ni mengippahding ni lawah! Beken ni lebbeng tun an ippahding hu hanneya eyad bebley tayud Israel.

Micah 3:11

Hi-gayun aap-apu ey kayu kamebeyyadi ma-lat ipahding yu hu beken ni limpiyuh. Niya hi-gayun papaddi ey kayu kamangkekdew ni tangdan yun yuka pengituttudduin Tugun Apu Dios. Anin ni hi-gayuddan prophet et ya pihhuh yuka gamgamin yuka pengheliddan tutu-un meippahding ni hi-gadan edum ni aggew. Niya emin kayu ey kanyuy hi Apu Dios hu yuka iddinel. Kanyuy ‘Endi hu lawah ni meippahding ni hi-gami, tep baddangan dakemin Apu Dios.’

Romans 12:14

Anin ni yuka panlelehhani kapehding ni edum yun tuu, et entan tudda idusi, nem idasali yudda.

1 Corinthians 3:3

Ka-immatun di yuka pehpehding e nanengtun ya pinhed ni annel yu hu yuka u-unnuda, e henin elaw idan eleg mangulug nan Jesus hu elaw yu, e kayu kaman-in-aameh niya kayu kamantututut.

1 Timothy 5:13

Hakey pay ey entanniy umhigadda et pelinlinwannan dan mekiyenuyyuddung di kabelebeley et ya tumbuk kumedek hu pehpehding da, ey anin endi kelebbengan da et mekibibbiyang ida niya linggeman ni endi silbitu hu ennungbalen da.

James 1:16

Et humman hu, hi-gayuddan agik ni kamengullug, ey helipat-i yu ma-lat eleg kayu maheul. Tep hi Apu Dios ey eleg tu he-ula tutu-u ma-lat ipahding da hu lawah.

James 1:19

Hi-gayuddan agik ni kamengullug, dengel yu eya e-helen ku. Ilillingisi tayun mengngel ni kayyaggud, beken ni tayu lellelgemen ni umhapit, niya entan pengimbubunget.

James 3:1

Hi-gayuddan agik, ang-ang yu et beken kumamman ni dakel ni hi-gayu hu mambalin ni mantuttuddun meippanggep nan Apu Dios, tep inamta yu e nemahhig hu penuwet tuddan kamantuttuddu nem yadda kametuttuddui.

James 3:11

Et humman hu, ebuh ida etan kayyaggud ni e-helen tayu e beken ida etan lawah ni umbahbah ni edum ni tuu. Henin hebwak, e hedin kayyaggud etan danum ni kaum-utbul diman, man kayyaggud ngu dedan e beken ni hin-addum ni nebengtut. Ey henin fig e eleg umlameh ni olibah, winu ya grapes e eleg umlameh ni fig.

James 3:9

Tayu kaussala bungut tayun penaydayaw tayun Ametayu e hi Apu Dios, nem tayu mewan kaussalan menghel ni lawah meippanggep ni edum tayun tuun lintu tun henin hi-gatu.

1 Peter 3:9

Anin ni wada pehding dan hi-gayun lawah niya pel-itan dakeyu et entan tu ibleh. Ya kayyaggud ni emin hu peang-ang yu, anin lawah daka pehpehding ni hi-gayu, tep hi-gayu hu pinilin Apu Dios ni mengippeang-ang ni kayyaggud. Et hakey alin aggew ey iddawtan dakeyun Apu Dios ni panyaggudan yu.