James 2:10 - Keley-i Bible (Antipolo Ifugao)

¹⁰ Tep ya tuun tuka peka-u-unnuda hu Tugun Apu Dios, nem wada hakey ni eleg tu u-unnuda, ey nanliwat damengu, heni etan ni tuun endi tu inu-unnud ni Tugun Apu Dios.

James 2:10 Iomraidhean Croise

Jeremiah 32:23

Nem yan inlian da eyad bebley et mambebley ida ey eleg da u-unnuden hu tugun mu niyadda intuttuddum ey eleg da ipahding ida pinhed mun pehding da. Et paelim ida law emin huyyan memahbah ni hi-gada.

Galatians 3:10

Emin ida tuun daka iddinel hu daka pengu-unnudin Tugun ni kehellakniban da ey kastiguen idallin Apu Dios, tep impatudek tu dedan e kantuy “Mekastigu etan tuun eleg tu peka-unnudan emin hu Tugun.”

Galatians 5:3

Ippidwak ni e-helen et pekaddenglen yu, e hedin ippilit yun mampekuggit, tep humman yuka iddinel ni pengibbillangan Apu Dios ni hi-gayun kayyaggud, mahapul ni peka-u-unnuden yun emin hu Tugun.

Deuteronomy 27:26

“Meiddutan etan tuun eleg tu abuluten ida huyyan tugun tep eleg tu u-unnuda.” Hummangen idan tutu-un kanday “Amen.”

James 3:2

Hi-gatsun tuu ey wadan wada tayu kakeihhallai. Nem hedin wada tuun hangkekkenneng tu hu bungut tu et endi meihlan e-helen tu ey dammutu daman hangkekkenneng tun emin hu pehpehding tu.

2 Peter 1:10

Et humman hu, hi-gayun kaegiegi, ipatna yun peang-ang di yuka pehpehding e hi-gayu hu pinilin Apu Dios ni pantu-u tu niya inaygan tun mengu-unnud ni hi-gatu. E-helen kun hi-gayu e hedin ippahding yudda humman, ey makulug ni endi yu pehpehding ni lawah

Jude 1:24

Medeyyaw hi Apu Dios e kabaelan tun mengippaptek ni hi-gatsu ma-lat eleg tayu iwelak hu tayu kapengullug ma-lat edum alin aggew ey ewwiten daitsu et man-am-amleng itsun peteg di hinangngab tu tep endilli law ni hekey hu liwat tayu.