Genesis 5:5 - Keley-i Bible (Antipolo Ifugao)

⁵ Yan eman ni neteyyan tu ey heyam ni gatut et telumpulu toon tu.

Genesis 5:5 Iomraidhean Croise

Genesis 3:19

Mahapul ni manliligat ka niya umlinget kan mangngunnu et han wada ennien mu. Hanniman alin ingganah hu pambiyagam ingganah ni mambangngad kayud puyek di nalpuam, tep puyek hu nekapyaan mu ey puyek metlaing hu pambangngadan mu.”

Genesis 5:11

Et yan eman ni neteyyan tu ey heyam ni gatut et lima toon tu.

Genesis 5:4

Nambiyag pay ni walun gatut ni toon et mawedadda edum ni u-ungnga tu.

Genesis 5:6

Hi Seth ey hanggatut et lima toon tu et han maweda etan u-ungnga tun hi Enos.

Genesis 5:8

Et yan eman ni neteyyan tu ey heyam ni gatut et hampulut dewwa toon tu.

2 Samuel 14:14

Ya kapanbubuhuliddan tuu ey eleg mannananeng, beken ni henin katey. Ey beken ni henin danum e hedin neikuyag man eleg law mabalin ni ekkupen. Nem yadda tuun nambubuhhulan ey mabalin mewan ni mandadagyum ida. Anin hi Apu Dios et beken ni neala ni pinappeg tu biyag ni nambahul ni tuu. Nem wada pehding tu et humman ni tuun neappil ey mabalin ni mambangngad ni hi-gatu. Et humman hu, ettu anhan apu patul, et paenamut mu etan u-ungngam ni neipelaw di edawwin bebley ey?

1 Chronicles 1:1

Nantanud hi Adam et wada hi Seth. Nantanud hi Seth et wada hi Enos, nantanud hi Enos et wada hi Kenan,

Job 30:23

Apu Dios, inamtak e yan nunya hu pappeg ni biyag ku. Nem inna-nu e humman dedan hu meippahding di emin ni tuu.

Psalms 89:48

Tep emin hu tuu ey nanna-ud ni mettey et maikulung.

Psalms 90:10

Ya kadinukkey ni biyag ni tuud puyek ey nepitun toon, nem hin-addum et kaumlaw di newalu hedin endi gannad annel. Nem anin ni hanniman hu kapambiyagi et dakel hu kapanlelehhanin ligat, ey nekekemtang ni nepappeg hu biyag.

Ecclesiastes 12:5

Umtakut kayulli law ni umlaw di wada eta-gey tep anggetakkut ni kayu mandalladallan diman. Meliggatan kayulli law ni mandellan ey eleg yulli law han-ipahding hu pinhed yun ippahding. Anin ni bewek yu et mambalin alin uban ni emin. Ngannganih law ni medettengan hu kepappegan ni biyag yu et meillaw ali annel yud panha-adan tun ingganah. Ey umlelemyung idalli mengikkullung ni hi-gayu.

Ecclesiastes 12:7

Yallin nunman ey meibbangngad hu annel tayud puyek ni nalpuan tu ey mambangngad dama linnawa tayun Apu Dios e nengidwat ni hi-gatsu.

Ecclesiastes 9:5

Makulug humman! Tep hedin ya mategu ey amta da e mettey ida, nem hedin yadda netey ey endi inamta da. Endilli da gun-uden ey meliwwan idalli.

Ecclesiastes 9:8

Ey pambalwasi kan kayyaggud niya pan-usal kan bangbanglu.

Ezekiel 18:4

Em, tep hi-gak hu ngenamung ni emin ni biyag ni tuu, yadda a-ammed niyadda u-ungnga da. Et humman hu, ya etan tuun nanliwat ey hi-gatu mettey.

Deuteronomy 30:20

et pinheden yu hi Apu Dios e Dios yu, ey u-unnuden yu niya mandinnel kayun ebuh ni hi-gatu, tep hi Apu Dios nalpuan ni biyag yu, ma-lat mebayag kayun mambebley di insapatah tun iddawat tudda lan aammed yu e hi Abraham, hi Isaac et hi Jacob.”

Hebrews 9:27

Emin hu tuu ey nanna-ud dedan ni mettey et mehuwetan ida.