Genesis 39:9 - Keley-i Bible (Antipolo Ifugao)

⁹ Ma-nu tep nan-ingngeh hu kelebbengan min dewwa eyad baley, nem eleg daka idinel ni hi-gak tep ahwa dakan hi-gatu. Et humman hu, eleg mabalin ni nak pehding hu henin nuntan ni lawah ni peteg ni panliwwatan nan Apu Dios.”

Genesis 39:9 Iomraidhean Croise

Genesis 13:13

Yadda tutu-udman ey lawah ida niya nemahhig hu liwat dan Apu Dios.

Genesis 20:3

Nem hakey ni hileng ey nan-i-innep hi Abimelek ey kan Apu Dios di i-innep tuy “Mettey ka, tep ya eya biin mu impaewit ey wada ahwa tu.”

Genesis 20:6

Kan Apu Dios ey “Em, inamtak e endi bahul mu. Et mukun eggak iebulut ni mu i-ulig eya bii ma-lat eleg ka manliwat ni hi-gak.

Genesis 20:9

Et paeyag tu hi Abraham et kantuy “Hipa huyyan mu impahding ni hi-gak? Hipa nak impahding et dakemi idwatan ni kebahbahan mi? Beken ni lebbeng ni an meippahding huyyan hi-gak. Kele mu impahding huyya?”

Genesis 24:2

Hakey ni aggew ey kan Abraham etan ni bega-en tun nengidinelan tun emin ni wadan hi-gatuy “Ita-pew mu ngamay mu eyad ulpuk

Genesis 39:10

Eleg mengmenghep humman ni ahwan Potipar et kewa-wa-wa ey tuka eyyaeyyagi hi Joseph ma-lat man-ulig ida, nem eleg pinhed Joseph anin ni ya tu pekiyuyyuddungan ni hi-gatu.

Genesis 41:40

Et humman hu, puttuken dakan meihhayned ni hi-gak ni man-ap-apu eyad bebley. Et emin hu tuu ey u-unnuden da e-helen mu.

Genesis 42:18

Yan meikkatlun aggew ey kan Joseph ni hi-gaday “Hi-gak ey hi Apu Dios hu nakka u-unnuda, et humman hu, eleg dakeyu pepettey hedin u-unnuden yu eya e-helen kun hi-gayu.

2 Samuel 11:27

Negibbuh humman ni pitun aggew ni nengibeluan tun ahwa tu et paeyag David di baley da et man-ahwadda et iungnga tu etan u-ungnga da. Nem hi Apu Dios ey eleg tu pinhed humman ni impahding David.

2 Samuel 12:13

Entanni ey kan David nan Nathan ey “Nathan, nakka ebbuluta e nanliwattak nan Apu Dios.” Hinumang Nathan et kantuy “Em, nem pinesinsahan Apu Dios hu liwat mu, eleg ka mettey.

Nehemiah 5:15

Ey hedin yadda la nanggobernor ni nunman et hannak maihullul ey et-eteng hu in-inla daddan tutu-u. Nambagaddan kewa-wa-wan na-pat ni silber, ya kennen niya meinnum. Anin idan bega-en da et impanligligat dadda dama tutu-u. Nem hedin ngun hi-gak, man eggak ipahding ida humman tep nakka umtakut nan Apu Dios.

Nehemiah 6:11

Nem kangkun hi-gatuy “Beken ni hi-gak etan tuun an umbesik et mantalu. Ey kaw kammu nem nak ittalu annel kud Tempol ma-lat eleg da-ak patyen? Eleg mabalin ni nak pehding huttan.”

Job 31:23

Kedukdul ew humman nemet eleg tuwak kastiguen nan Apu Dios, nem ya kakulugan tu ey endi impahding kun hanniman tep nakka umtakut ni hi-gatu e eta-gey ni Dios.

Psalms 51:4

Nem ya kakulugan tu ey hi-gam ni ebuh hu nanliwatan ku. Tep hi-gam hu kan tugun etan ni eggak u-unnuden ni nengipahdingan kun lawah di edum kun tuu. Et humman hu, nakka ebbulutan neiptek hu impanhumalyam ni hi-gak et lebbengtun kastiguen muwak.

Exodus 20:14

Entan tu iulig hu beken yu ahwa.

Proverbs 6:29

Hanniman dama hu lakin mengi-ullig ni biin wada ahwa tu e mahapul ni mekastigu.

Proverbs 6:32

Nem nema-ma-ma mewan etan lakin mengi-ullig ni beken tu ahwa, tep heni endi nemnem tu e hi-gatu ngu memahbah ni neitu-wan tu.

Ecclesiastes 7:26

Neamtaan ku pay e ya biin tuka pebeyyad annel tud lalakki ey lawah ni peteg nem ya katey tep ya hanniman ni bii ey kamei-ellig di bitun keknaan. Ey ya etan ngamay tun tuka i-akwal ey kamei-ellig bangkiling ni umpepden. Nem endi kabaelan tun memden etan ni lakin kamengippeamleng nan Apu Dios. Ya neliwtan ni laki hu nelakah tun keknaen.

Jeremiah 28:16

Et humman hu, hi Apu Dios mismuh hu nanghel e mettey ka. Eleg megibbuh huyyan toon ey mettey ka tep intuttuddum idan tutu-un mangngenghay nan Apu Dios.”

Jeremiah 50:7

Et patyen idan buhul dan nena-kup ni hi-gada. Kan idan buhul day ‘Beken ni lawah humman ni impahding tayu, tep nanliwat idan Apu Dios e nandinelan ida lan eman ni aammed da.’

Leviticus 20:10

Hedin i-ulig ni hakey ni laki hu ahwan hakey ni tuu ey ya kastigun nunman ni laki, anin etan biin in-ulig tu, ey katey.

Leviticus 6:2

“Hedin nanliwat hu hakey ni tuun hi-gak e Apu Dios, tep nan-itek e kantuy netalak winu netakew etan impatelun edum tun hi-gatu winu nan-itek winu sinekew tu humman ni impatelu dan hi-gatu,

Numbers 32:23

Nem hedin eleg yu ippahding huttan ni inhel yu ey manliwat kayun Apu Dios. Et humman hu ang-ang yu kuma tep makulug ni mekastigu kayu hedin manliwwat kayu.

Luke 12:48

Nem ya bega-en ni eleg mengamtan tugun ni apu tu, et eleg tu u-unnuden, ey mekastigu dama, nem beken ni nemahhig hu kastigu tu. Ya etan tuun nenemneman niya wadwada-an di emin, ey hi-gatu et kuma hu e-etteng pehding tun panyaggudan. Et humman hu, hedin et-eteng hu neidinel ni hakey ni tuu, ey mahapul daman et-eteng hu pehding tu. Ey hedin et-eteng ni peteg hu neidinel ni hakey ni tuu, ey et-eteng ni peteg dama hu mahapul ni pehding tu.

1 Corinthians 4:2

Ya bega-en, ey mahapul ni u-unnuden tuka e-helan kan bega-en ni hi-gatun pehding tu.

Titus 2:10

niya eleg ida menekkew, nem peang-ang dad elaw da e ida kameiddinnel ma-lat meang-ang di emin ni daka pehding hu kakinayyaggud ni kameituttuddun meippanggep nan Apu Dios e kamenellaknib ni hi-gatsu.

Hebrews 13:4

Emin kayu ey mahapul ni ikkahhakey yu impeminhed yun ahwa yu. Entan tu iulig hu beken yun ahwa niya entan tu ipahding hu linggeman ni anggeba-ing, tep makulug ni kastiguen Apu Dios ida kamengippahding ni nunya.

1 John 3:9

Hi-gatsuddan kamengullug nan Jesus ey u-ungnga daitsun Apu Dios, et humman hu, beken ni ya lawah tayu pehpehding, tep wadan hi-gatsu elaw nan Apu Dios niya hi Apu Dios ey kakkayyagud ni peteg. Hi Apu Dios hu Ametayu law, et mukun eleg mabalin ni tayu pengpenglaw hu manliwwat.

Revelation 21:8

Nem yadda etan eleg mengu-unnud lan hi-gak tep ya takut da niyadda etan nengiwalleng ni daka pengullug ni hi-gak, yadda lawah daka pehpehding, yadda mangkapetey, yadda nengiulig ni beken da ahwa, yadda maeyak, yadda etan daka deyyawa beken ni makulug ni Dios niyadda mangkaitek ey yad apuy hu lawwan da, e humman meikkadwan ketteyyan.”

Revelation 22:15

Nem yadda etan tuun mangkaheul, yadda maeyak, yadda kamengi-ullig ni beken da ahwa, yadda mapetey, yadda etan daka daydayawa hu beken ni makulug ni dios, yadda mangkaitek niyadda etan kamengippenahding ni linggeman ni lawah ey eleg ida mekihha-ad etan di bebley.