Genesis 3:13 - Keley-i Bible (Antipolo Ifugao)

¹³ Kan Apu Dios etan ni bii ey “Kele mu impahding humman?” Kan etan ni bii ey “Hineul tuwak etan ni uleg.”

Genesis 3:13 Iomraidhean Croise

Genesis 12:18

Et paeyag etan ni patul hi Abram et kantuy “Kele mu impahding huyyan hi-gak? Kele eleg mu ehelen e ahwam hi Sarai?

Genesis 44:15

Ey kan Joseph ey “Kele hipa huttan ni yu impahding? Kaw eleg yu amta e dammutun amtaen ku hu impahding yu tep maebiggak?”

2 Samuel 3:24

Limmaw hi Joab di kad-an David et kantuy “Kele hanniman hu mu impahding e immali hi Abner et paenamut mu.

1 Kings 13:18

Kan etan ni nea-amman prophet ni iBethel ey “Anin ni hi-gak et prophettak dama e henin hi-gam. Ey in-olden Apu Dios etan ni hakey ni anghel et ehlen tun hi-gak e daka ewwiten di baley et pangan daka ey peinnuman dakan danum.” Nem itek tu kaya.

Leviticus 12:5

Hedin bii in-ungnga tu, ey meibbillang ni beken ni malinih ni dewwan lingguan, henin kaelliin kamelpud annel tu. Ey hehgeden tu dewwan bulan et enem ni aggew et han dammutun ippahding tu elaw ni panlinnih ni kuheyaw tep ya nan-ungngaan tu.

Jonah 1:10

Et peamta tun hi-gada e bimmesik ma-lat meidawwin Apu Dios. Dingngel da humman ni inhel Jonah ey nema-ma hu takut da et kandan hi-gatuy “Nem kele dedan endin hekey hu takut mun an mengippahding ni henin nuntan?”

John 18:35

Kan Pilate ey “Bekennak ni Jew, et humman hu eggak amta hu meippanggep ni hi-gam. Nem hipa dedan impahding mu et daka in-aliddan edum mun Jews niyadda ap-apuddan padid ya?”

Romans 7:11

Hineul da-ak kumedek eyan lawah ni neitu-wan ku, tep kangku ngu nem ya pengu-unnudan kun Tugun hu keweddaan ni biyag kun endi pappeg tu, nem beken gayam, tep endi kabaelan kun mengu-unnud ni emin ni Tugun, et humman kumedek hu umhulun ni ketteyyan ku.

2 Corinthians 11:3

Ma-nu tep inamtak e neikahhakey hu impeminhed yun Jesus niya hi-gatun ebuh hu inu-unnud yu, nem ay nakka umkakaguh ni kehe-ulan yudda etan di beken ni makulug hu daka ituttuddu, et heni kayullin Eva e nehaul ni itek etan ni uleg.

1 Timothy 2:14

Ey ya etan bii e hi Eva hu hineul Satanas et manliwat, beken hi Adam hu hineul tu.

1 Samuel 13:11

Nem kan Samuel ey “Kele mu impahding huyya?” Kan Saul ey “Mahapul ni ippahding ku tep da-ak kapanhi-yanaddan sindaluk ey endi kan kaum-ali ey wadadda law hu sindalun iPilistia di Mikmas.

1 Samuel 15:15

Kan Saul ey “Yadda sindaluk nengipahding. Eleg da pateyen etan ida kekakkayyaggudan ni kalneroh niya baka tep kamei-appit ida humman nan hi Apu Dios e Dios mu. Nem pintey dan emin etan edum ni eleg da alen.”