Genesis 27:4 - Keley-i Bible (Antipolo Ifugao)

⁴ Pinhed ku etan muka pene-eng ni mepelhat. Iheeng mu et i-lim et hedin negibbuhhak ni nengan ey e-helen ku hu bendisyon kun hi-gam et hannak matey.”

Genesis 27:4 Iomraidhean Croise

Genesis 14:19

Et bendisyonan tu hi Abram e kantuy “Abram, iddawat Apu Dios e Keta-ta-geyyan niya nanletun kabunyan niya puyek hu panyaggudan mu.

Genesis 24:60

Binendisyonan da hi Rebekah e kanday “Mambalin kalli kayan inan kalibulibun tuu. Niya apputen idallin helag mu hu buhul da.”

Genesis 27:14

Et u-unnuden nan Jacob hu inhel nan inetu et an ali umlan dewwan impah ni gelding et iheeng inetu etan ni pinpinhed nan ametun kapene-eng.

Genesis 27:17

Et idwat tun Jacob etan meheng-ew ni ihhida niya sinapay ni kinapya tu.

Genesis 27:19

Kan Jacob ey “Hi-gak hi Esau e pengulwan ni u-ungngam. Inu-unnud ku hu kammu. Bangun ka et mangan ka et bendisyonan muwak.”

Genesis 27:23

Eleg tu immatunan hi Jacob tep nakabwekan ngamay tu e henin ngamay Esau. Et bendisyonan tu,

Genesis 27:25

Kan ametuy “I-lim etan dinweng mu et ihidak et han daka bendisyoni.” Indawat Jacob etan kennen et mangan hi ametu. Et idwatan tun innumen tu.

Genesis 27:27

Inakwal Jacob hi ametu ey hinemuy nan ametu etan imbalwasi tu et bendisyonan tu. Kantuy “Ya hamuy ni u-ungngak ey heni hamuy ni payew ni binendisyonan Apu Dios.

Genesis 27:31

Indaddan tu dama hu pinpinhed nan ametun ihhida et ilaw tud kad-an tu et kantuy “Ama, bangun ka et mangan ka et ihidam eya inhaeng ku et han muwak bendisyoni.”

Genesis 27:5

Nem dingngel Rebekah humman ni inhel nan Isaac nan hi Esau. Et yan linawwan Esau ni an mandedweng ey

Genesis 27:9

Pengin-eellaw kallid halun tayu et ka umlan dewwan mateban impah ni gelding et iheeng kun pinpinhed amam ni pene-eng.

Genesis 28:3

Bendisyonan daka kaya nan Apu Dios e Kabaelan tun emin ey iddawtan dakallin dakel ni helag mu et hi-gam ali pan-ammed ni dakel ni tuu.

Genesis 48:9

Kan Joseph ey “Em, huyyadda indawat Apu Dios ni u-ungngak di deya.” Et kan Jacob ey “Ihnup muddallin hi-gak ma-lat bendisyonan kudda.”

Genesis 49:28

Huyyadda hu inhel Jacob idan hampulut dewwan u-ungnga tu e neiunnud di nambakbaklang ni elaw da.

Luke 2:34

Entanni ey binendisyonan Simeon ida. Ey kantun Maria ey “Huyyan u-ungngan intu-dak Apu Dios ey kehhingen alin dakel ni helag Israel, et mukun mekastiguddalli. Nem dakel idalli dama peamleng tu.

Luke 24:51

Binendisyonan tudda ey nealay neendi, tep impaenamut Apu Dios di kabunyan.

Hebrews 11:20

Heni daman nan hi Isaac e ya tuka pengullug hu nanghelan tuddan dewwan u-ungnga tu e di Jacob nan Esau e yallin edum ni aggew ey iddawat Apu Dios hu panyaggudan da.

Joshua 14:13

Binendisyonan Joshua hi Kaleb e u-ungngan Jephunneh et idwat tun hi-gatu Hebron ni beltanen tu.

Joshua 22:6

Et paenamut Joshua ida. Ey binendisyonan tudda e kantuy “Anemut kayu yaggud adyah e dakel hu inla yud buhul yun ikkedangyan yu, henin silber, hubeng, giniling niya gumek. Ey dakel balwasi yu. Ienamut yu et idawatan yudda edum yun helag Israel.” Et lumaw ida helag Reuben, ya helag Gad et ya kagedwah ni helag Manasseh et hi-yanen dadda edum dan helag Israel di Siloh di Kanaan et mambangngad idad Gilead e bebley ni neidwat ni hi-gada tep humman tugun Apu Dios ni inhel tun Moses. Indawat dedan lan Moses hu Bashan di appit ni kasimmilin aggew di Jordan idan kagedwah ni helag Manasseh nem ya kagedwah ni helag Manasseh ey indawat Joshua hu appit ni kakelinnugin aggew di Jordan.