Genesis 1:9 - Keley-i Bible (Antipolo Ifugao)

⁹ Kan Apu Dios ey “Kesiplud kan danum et meappil kad pangil ma-lat meang-ang hu puyek.” Ey humman neipahding.

Genesis 1:9 Iomraidhean Croise

Genesis 1:8

Humman ni nengedwan danum di ahpat et yad nandaul ey nginedanan Apu Dios ni kabunyan. Et mahileng et mewa-wa ey humman hu neikadwan aggew.

Nehemiah 9:6

Apu Dios, hi-gam ni ebuh Ap-Apu. Hi-gam nanletun kabunyan ey emin hu wadadman. Hi-gam mewan nanletun puyek, ya baybay et ya emin hu hipan wadadman. Indawat mu biyag emin ni mategu ey emin ida anghel di kabunyan ey daka kadaydayawa.

Job 26:10

Ey heni yad pappeg ni baybay hu nengiptekan tun pan-appilan ni kawwalwal niya hileng.

Job 26:7

e nengibiklag ni north ni kabunyan niya nengiha-ad ni puyek e endi neituunan tu.

Psalms 104:3

Binehwat mu hu baley mud kad-an idan kulput ni kakelpuin udan. Ey heni muka panluggani hu kulput e heni kalesah mu et daka kaittayab ni dibdib.

Psalms 33:7

Impangkakahhakey tu hu danum di edallem ni baybay et iha-ad tu pappeg tu.

Psalms 95:5

Hi-gatu nanletun baybay niya puyek, et humman hu, hi-gatun emin idan nunman.

Ecclesiastes 1:7

Yadda dama kulukul niya wangwang ey ida kamampellaw ni emin hu danum dad baybay nem kapyatun eleg mepnu et eleg mehewwal. Ey nambangngad ida mewan humman ni danum di kulukul niyad wangwang ni nalpuan da.

Jeremiah 5:22

Hi-gak hi Apu Dios, kele eleg yuwak deyyawa? Niya kele eleg kayu umtakut ni hi-gak? Hi-gak hu nengiha-ad ni palnah di gilig ni baybay et humman memappeg ni danum et eleg luma-pih anin ni metennuttu-ug. Ey anin ni na-let niya kamambungngug hu dalluyun et eleg meiddeplug humman ni pappeg ni inha-ad ku.

Jonah 1:9

Himmumang hi Jonah et kantuy “Hi-gak ey Hebrew hak. Nakka deyyawa hi Apu Dios di kabunyan ni nanletun puyek niya baybay.”

2 Peter 3:5

Huyya kae-heladdan nunman ni tutu-u tep daka iggeb-at ni kehhingen e ebuh ehel nan Apu Dios ey lintu tu kabunyan niya puyek. Et wadaen tu hu puyek di gawwan danum et iha-ad tu danum di nanlinikweh eyad puyek. Nem entanni ey limbengan tu hu puyek ni kinapya tu, et humman nebahbahan tu.

Revelation 10:6

et mansapatah nan Apu Dios e wadan ingganah e nanletun puyek, ya kabunyan, ya baybay niyaddan emin hu wadadman, et kantuy “Nekemtang law ni ebuh.