Genesis 1:21 - Keley-i Bible (Antipolo Ifugao)

²¹ Et mawedan emin hu nambakbaklang ni mategud baybay e etta-teng ida edum. Ey lintu tu nambakbaklang ni sisit. Ey inang-ang Apu Dios ida humman ni lintu tu ey kayyaggud.

Genesis 1:21 Iomraidhean Croise

Genesis 1:18

ni kawwalwal ni yan hileng, ey ma-lat meappil hu kawwalwal niya hileng. Ey inang-ang Apu Dios humman ni lintu tu ey kayyaggud.

Genesis 1:20

Kan Apu Dios ey “Kawedan emin hu nambakbaklang ni mategud danum niya kaweda dakel ni nambakbaklang ni mantayyatayyab di kabunyan.”

Genesis 1:22

Binendisyonan tudda hu mategun wadad baybay ma-lat medakkel ida et mapnu hu baybay. Ey binendisyonan tudda dama hu sisit ma-lat medakkel ida.

Genesis 1:31

Ey inang-ang nan Apu Dios ida humman ni lintu tu ey kayyaggud ni peteg. Nehileng et mewa-wa ey humman hu neika-nem ni aggew.

Genesis 2:19

Hi Apu Dios ey lintu tu dedan la hu nambakbaklang ni animal niya sisit e puyek hu naltuan da. Humman idan lintu tu ey tu impeang-ang etan ni laki ma-lat ngadanan tudda. Et emin hu hipan impangngadan tun hanhakkey ni hi-gada ey humman ngadan da. Nem emin ida humman ey endi dayutun pangkadwa tun umbaddang ni hi-gatu.

Genesis 7:14

Nekihgep ni hi-gada hu nambulubulug ni nambakbaklang ni animal ni maeyum niya beken niyadda etan kaumtayab.

Genesis 8:17

Ibukyat mudda animal niyadda sisit et mahlag ida et medakkel ida et maihinap ida eyad puyek.”

Genesis 8:19

Ey emin ida etan nambakbaklang ni animal, yadda kamandinallan niyadda kamangkinaddap, et yadda sisit ey immehep ida damad bapor e wada hakkeyey nan-uunnud ida etan ni keingngeh da.

Genesis 9:2

Emin hu animal, yadda kamangkinaddap niya kamandinallan, yadda sisit niyadda mategud baybay ey tekkutan dakeyulli ey hi-gayulli kenamung ni pengippahdingan yun hi-gada.

Genesis 9:7

Panhelag kayu et medakkel kayu et bebleyan yun emin hu puyek.”

Job 12:7

Hedin pinhed yun ewwatan hu elaw ni biyag, man nemnem yudda sisit,

Job 26:5

Nanna-ud ni ida kamanggegeygey hu linnawan nangketey di bebley ni netey di dallem ni baybay.

Job 7:12

Kele muwak kagugguwalyai, kaw heni-ak etan ni anggetakkut ni mategud baybay?

Psalms 148:7

Hi-gayun wadad puyek niyad baybay, anin idan hi-gayun wadad dallem ni baybay, ey daydayaw yu dama hi Apu Dios.

Exodus 1:7

Nem dakel hu helag dan neihullul ni hi-gada. Nahlag ida humman ni u-ungnga da et lektattuy dakel idan peteg et maihinap idad emin ni bebley di Egypt.

Exodus 8:3

Mekapkapnullin tukak hu Wangwang e Nile et humman hu um-aliddalli edum eyad baley mu, yad baley idan opisyal mu, niyad baley idan tutu-um. Umhehgep idad kuwaltuh mu, ey umlaw idad uggippan mu, yaddad yuka pene-engi, anin idad bangeyu.

Ezekiel 32:2

“Hi-gam e helag ni tuu, mu ehel ni patul ni Egypt e kammuy ‘Hi-gak e Ap-Apu e Eta-gey ni peteg ey wada e-helen kun hi-gam! Kammu na-mu ngu nem heni kan layon ni muka pehpehding ni kebebbebley, nem ya kakulugan tu ey heni ka buhayya e kakillukillutan ebuh ni helim hu danum idad wangwang. Keknaen dakalli et paelik hu tutu-ud edum ni bebley ni an mempap ni hi-gam et idekal daka

Jonah 1:17

Hedin hi Jonah, man eleg matey tep wada etan binegan Apu Dios ni et-eteng ni deleg ni mengekmun ni hi-gatu et manhahha-ad di egeh nunman ni deleg ni tellun aggew niya tellun labbi.

Jonah 2:10

Entanni law ey minandal Apu Dios etan et-eteng ni deleg et iuta tu hi Jonah di gilig ni baybay.

Matthew 12:40

Hi Jonah ey inekmun ni etteteng ni deleg et manha-ad di egeh tun tellun aggew. Hanniman ali daman hi-gak e Pengulwan ni emin ni tuu, tep manha-ad dak di kulung ni tellun aggew.