Daniel 3:2 - Keley-i Bible (Antipolo Ifugao)

² Negibbuh ni kinapya da et paeyag tudda hu opisyal tud kebebbebley di Babilon ma-lat daydayawen da humman ni balituk ni tuttu-un impekapya tu. Emin ida aap-apu, yadda gobernor, yadda konsihal tu, yadda treasurer, yadda huwet, niyadda etan edum ni opisyal di kebebbebley di Babilon ey neamung idan mekidaydayaw.

Daniel 3:2 Iomraidhean Croise

1 Kings 12:32

Inlappun Jeroboam ni ippahding hu Piyestah ni Kampu ni pandeyyawan da eman ni meikkehampulut liman aggew ni meikkewwalun bulan e henin daka pehding di Judah nem hin-appil ni bulan. Nan-appit ida damad pan-appitan ni kinapya dad Bethel, nem ya in-appitan da ey yadda etan balituk ni bakan kinapya da.

Proverbs 29:12

Hedin kapakakkullugan ap-apu emin hu daka idaddatteng ni hi-gatu, anin ni itek, ey lektattuy mambalin ni lawah kapkapyaen idan opisyal tu niya man-ittek ida.

Daniel 3:27

Immaliddan emin hu opisyal nan patul, yadda gobernor di Babilon, yadda konsihal tu et ang-angen da ey eleg idan hekey maetungan di apuy. Anin ni balwasi da niya bewek da et endin hekey hu an negiheb. Anin ew ngun hamuy ni ahuk et endin hekey hu kamehemmuy ni hi-gada.

Daniel 3:3

Yan eman ni neamungan dad hinangga etan ni tuttu-u, ey wada etan hakey ni opisyal ni immehneng et itkuk tu e kantuy “Hi-gatsun emin ni neamung ni katuutuun nambakbaklang hu bebley ni nalpuan tu, ya nahlagan tu, niya hapit tu, dengel yu eya olden nan patul:

Numbers 25:2

Et ayagan idan nunman ni bibi-in iMoab ida humman ni lalakkid daka pan-appisin dios dad Moab. Entanni ey nekihemul ida et lektattuy dinaydayaw da law ida dios di Moab.

Revelation 17:2

Emin ida hu ap-apud kebebbebley ey in-ulig da humman ni bii. Ey emin ida tutu-ud kebebbebley e nebuteng idan impainum tu.”

Judges 16:23

Neamung ida hu aap-apud Pilistia et man-am-amleng ida et manhahamul ida ey nan-appit ida etan ni dios da e hi Dagon. Kanday “Impadpap nan dios tayu hi Samson e buhul tayu.”