Daniel 1:7 - Keley-i Bible (Antipolo Ifugao)

⁷ Hinullulan Aspenas e ap-apuddan opisyal di baley patul hu ngadan da et ya law ngadan Daniel ey hi Belteshasar, hi Shadrak dama hi Hananiah, hi Meshak hi Mishael, et hedin hi Abednego, ey hi Asariah.

Daniel 1:7 Iomraidhean Croise

Genesis 41:45

Ingngadnan tu hi Joseph ni hi Saphenat Paneah e ngadan ni iEgypt niya impeahwa tun hi-gatu hi Asenat e u-ungngan Potipera e padid Heliopolis. Yan nunman ni nanggobernor hi Joseph di Egypt ey telumpulu toon tu. Et yan nunman ey tu inang-ang ni emin hu bebley diman.

2 Kings 23:34

Entanni ey impambalin nan Neko hi Eliakim e u-ungngan Josiah ni mampatul di Judah. Et hullulan tu ngadan tun hi Jehoiakim. Inlaw nan Neko hi Jehoahas di Egypt et yadman neteyyan tu.

2 Kings 24:17

Entanni ey pinutuk Nebukadnessar ni mampatul di Judah hi Mataniah e agin ammed Jehoiachin et hullulan tu ngadan tun Sedekiah.

Daniel 1:19

Et mekihuhhummangan hi patul ni hi-gada ey neamtaan tu e nelalla-ing hi Daniel, hi Hananiah, hi Mishael, et hi Asariah nem yadda etan edum da. Et idwatan idan patul ni ngunu dad baley tu.

Daniel 1:3

Entanni ey minandal nan Nebukadnessar hi Aspenas e ap-apuddan opisyal tu ma-lat pumilin kamenikken ni lalakkin helag idan patul et ya helag idan ap-apud Israel ni nunman.

Daniel 10:1

Ya eman ni katlun toon ni nampatulan nan Cyrus di Persia ey wada mewan hu impeamtan Apu Dios nan hi Daniel e hi Belteshasar hu hakey ni ngadan tu. Humman ni impeamtan Apu Dios nan hi Daniel di i-innep tu ey humman etan anggetakkut ni gubat ni nanna-ud ni um-amnun hakey alin aggew.

Daniel 2:26

Et puhdanan nan patul nan Daniel, e hi Belteshasar hu hakey ni ngadan tu, et kantu ey “Kaw kabaelan mu makkaw ni menghel etan ni ini-innep ku niya keibbellinan tu?”

Daniel 2:49

Inungbal Daniel hi patul ma-lat idwatan tudda dama etan tellun impan-edum tun hi Shadrak, hi Meshak, et hi Abednego ni eta-gey ni saad dad bebley di diman Babilon, ey inebulut tu. Nem hedin hi Daniel, man nannaneng ni nangngunud baley patul.

Daniel 4:5

Nem entanni ey nan-i-innepak ni anggetakkut.

Daniel 4:8

Entanni ey immali hi Daniel, e nengihuldungan kun ngadan ni dios kun hi Belteshasar, et hi-gatu hu nengibag-an kun keibbellinan etan ni ini-innep ku, tep dingngel kun wadan hi-gatu hu ispirituh idan dios. Et kangkun hi-gatu ey ‘Belteshasar, e ap-apuddan maebig, inamtak e wadan hi-gam hu ispirituh idan dios et mukun inamtam hu hipan eleg amtan tuu. Ehel mu keibbellinan eyan ini-innep ku.

Daniel 5:12

Hi Daniel ngadan tu, nem nginedanan Nebukadnessar ni hi Belteshasar. Nelaing niya nenemneman ey amta tu hu keibbellinan ni i-innep niya hipan kamekapkapyan eleg tayu han-awat ni tuu. Et hedin kuma, man mulli impaeyag humman ni tuu et hi-gatu pengibbeggaan mun keibbellinan eyan neitudek.”