2 Samuel 3:3 - Keley-i Bible (Antipolo Ifugao)

³ Ya hened ey hi Kileab, e u-ungnga dan Abigail, e ahwa lan eman nan hi Nabal di Karmel. Ya meikkatlu ey hi Absalom, e u-ungnga dan Maakah, e u-ungngan Talmai, e patul di Geshur.

2 Samuel 3:3 Iomraidhean Croise

2 Samuel 13:1

Wada etan udidyan Absalom ni biin u-ungngan David e hi Tamar e kat-agun peteg. Et hi Amnon e agi tun u-ungngan David di hakey ni bii, ey pinhed tun i-ulig.

2 Samuel 14:23

Et lumaw hi Joab di Geshur et tulli awiten hi Absalom et umenamut idad Jerusalem.

2 Samuel 14:24

Nem in-olden David e patul e eleg mabalin ni manha-ad hi Absalom di baley tu. Kantuy “Eggak pinhed ni ang-angen hi Absalom.” Et meappil hi Absalom niya eleg mampeang-ang nan ametu.

2 Samuel 14:32

Hinumang Absalom e kantuy “Em, tep nenu-dakkak ni nampidwan an mengeyyag ni hi-gam nem eleg ka umli. Pinhed ku-et ni umlaw kad kad-an ama et mu ibegan hi-gatu hedin hipa gaputun yuwak ali inewit di Geshur et i-li yuwak di deya ey ay eleg damengu pinhed aman ang-angen tuwak. Heballi ew ngu eleg da-ak i-lidya et nanha-addak diman. Pinhed kun ang-angen, et hedin nambahullak, anin ni pepettey tuwak ni hi-gatu.”

2 Samuel 15:7

Nelabah hu epat ni toon ey kan Absalom nan ametu e hi David ey “Iebulut mu anhan et lumawwak di Hebron ma-lat nak ipahding hu insapatah kun Apu Dios ni pehding kudman.

2 Samuel 15:8

Yan eman ni wada-ak di Geshur di Syria ey insapatah kun hi-gatu e hedin ibbangngad tuwak di deya Jerusalem ey nak deyyawen di Hebron.”

2 Samuel 18:33

Dingngel tu humman ey nemahhig lemyung tu ey kamantet-ul ni immelad kuwaltuh di ahpat ni eheb e kantuy “Ayyuh ka e u-ungngak Absalom! Heballi hi-gak hu netey et beken ni hi-gam e u-ungngak Absalom hu netey!”

2 Samuel 2:2

Et ipengulun David ida sindalu tu, anin yadda ahwa da niyadda ahwa tu e hi Ahinoam e iJesreel et hi Abigail e iKarmel, e ahwa lan eman nan hi Nabal. Et mambebley idad Hebron et yadda etan di nanlinikweh ni bebley diman.

1 Kings 2:15

Hinumang tu e kantuy “Inamtam e hi-gak et kuma hu lebbeng tun mampatul ey emin hu edum tayun helag Israel ey humman amta da. Nem hin-appil hu neipahding tep hi agik hu nampatul tep humman hu pinhed Apu Dios ni meippahding.

1 Chronicles 3:1

Yadda enem ni u-ungngan David eman ni kaweda tud Hebron meippalpud pengulwan ingganah di udidyan: hi Amnon e inetu hi Ahinoam e iJesreel, hi Daniel e inetu hi Abigail e iKarmel, hi Absalom e inetu hi Maakah e u-ungngan Talmai e patul di Geshur, hi Adonijah e inetu hi Haggit, hi Sephatiah e inetu hi Abital et hi Itream e inetu hi Eglah.

Deuteronomy 3:14

Hi Jair e kamengipappengngulun helag Manasseh hu neidwatan ni emin nunman ni bebley di Argob ingganah di pappeg ni Geshur et yad Maakah. Ingngadan Jair hu ngadan tudman e bebley et ingganah nunya ey ‘Bebley Jair’ hu impangngadan tu.)

Joshua 13:13

Nem eleg degyunen idan helag Israel ida tutu-ud Geshur et yad Maakah et ingganah nunya ey nekibebley idan hi-gada.

1 Samuel 25:42

Et ebuhe mantakkay di kebayyu tu et ikuyug tudda liman biin bega-en tu et maikuyug et iahwan David.

1 Samuel 27:8

Yan nanha-adan dadman ey kaipappangngulun David ida sindalu tun an mekiggubbat. Ginubat tudda bimmebley di Geshur, yadda tuud Girsi niyadda tuud Amalek e nebayag ni nambebley diman. Ey inlapu da pay ni mengubbat idan tuud Sur ingganah di Egypt.