1 Samuel 3:4 - Keley-i Bible (Antipolo Ifugao)

⁴ immehel hi Apu Dios nan Samuel. Himmumang hi Samuel e kantuy “Em, Apu.”

1 Samuel 3:4 Iomraidhean Croise

Genesis 22:1

Hakey ni aggew ey pinatnaan Apu Dios hi Abraham. Immehel ni hi-gatu e kantuy “Abraham.” Himmumang hi Abraham e kantuy “Em, Adyahhak, Apu.”

Genesis 22:11

nem immehel ali hu anghel Apu Dios di kabunyan e kantuy “Abraham!” Kan Abraham ey “Hipa humman e Apu.”

Psalms 99:6

Yan nunman ey di Moses nan hi Aaron hu padi tu. Ey hi Samuel hu hakey ni nandasal daman hi-gatu. Nandasal idan Apu Dios et baddangan tudda.

Exodus 3:4

Inang-ang Apu Dios e kamangkeihnup hi Moses ey inhelan tu e kantuy “Moses!” Kan Moses ey “Uh Apu, iyadya-ak!”

Isaiah 6:8

Entanniy dingngel kun immehel hi Apu Dios ey kantuy “Hipa ittu-dak kud kad-an idan tutu-uk ni an mengituttuddun pinhed min ituttuddun hi-gada?” Hinumang ku ey kangkuy “Adyahhak, hi-gak itu-dak mu et lumawwak.”

Acts 9:4

Netu-li ey dingngel tu hu kaman-e-hel ni hi-gatu e kantuy “Saul! Saul! Kele muwak kapanligligat?”

1 Corinthians 12:28

Huyyadda hu nambabaklang ni ngunun indinel Apu Dios ni hi-gatsun kamengullug. Yadda nemangulun pinili tu ey yadda apostles, ya meihhayned ey yadda prophets e kamengippeamtan ehel Apu Dios, ya meikkatlu ey yadda etan kamantuttuddu. Ey wadadda dama kamengippahding ni miracle, yadda kamengkal ni degeh, yadda kaumbaddang ni edum da, yadda kaman-ap-apu niyadda edum ey kabaelan dan mengi-hel ni nambakbaklang ni ehel.

1 Samuel 3:5

Impapuut tun limmaw di kad-an Eli et kantun hi-gatuy “Immali-ak tep muwak kapan-eyyagi!” Nem kan Eli ni hi-gatuy “Kaibangngad kat ka maugip! Eleg daka ayagan.” Et mambangngad hi Samuel ni an neugip.