Matthew 28:2 - Hapit apo jos

² Himpfumagkha ja gwa han mapfi-ah an khihu ti nun-opah han angher Apo Jos an narpu ad langit, ja inulina chin pfato an tanglib ja inumpfunana.

Matthew 28:2 Iomraidhean Croise

Matthew 27:60

Ja in-uy Josep chin achor Hesus ay chuy paꞌ-ephod cha an linijangan cha an pfato an hijay ilub-ana hu-un matoy. Ja impahikhup na chin achor Hesus ja inulina han otong an pfato an tanglib chin lupfuꞌ ja unot makak.

Matthew 27:66

Hotti immuy cha hichi lupfuꞌ ja linita cha hi maphod chin tanglib ta matikhaw nu gway mangpfughor, ja empapfantay cha hachi hinchalo.

John 20:1

Unot nun-inggwiꞌgwiit an Markhachu an nalahin chin ngilin, ja pfimmugwah hi Mary Magdalen an immuy ay chuy nilub-an Hesus. Ja nangalimutugwana an na-ulin chin pfato an tanglib.

Acts 16:26

Ja unagkhu himpfumagkha ja gwa han mapfi-ah an khihu. Ja nun-a-egwor an amin chin pfaluchan. Ja un aꞌ-alina ja nun-ipfughor an amin chin pantaw ja nun-a-aan khu an amin chin pfangkeleng hachi nun-ipfalud.

Acts 5:19

Muti ay chuy an lapfi ja immuy han angher Apo Jos ja i na impfughor hachi pantaw chin pfaluchan ja impfutay na chicha ja inali na hi,

1 Timoti 3:16

Achi mehaot an hini pinati ta-o an omaꞌ-atan Kristo Hesus ja munnaud an napfalor. Agkhuy impa-innilan Apo Jos chin hopapna muti ay chita-o ad ugwani an timpo chi nangpa-innilaana. Ti immali hi Kristo an numpfalin hi takhu. Impa-innilan ni Espiritu Santo an magpong hija. Ja tinnig hana angher, Nekasaba hini nitakhuwana hi apfuglapfuglay, Ja hana tatakhu heto lota ja pinati cha. Ja timmalakhuy ad langit ta mipapfagpfagto.

1 Peter 1:12

Ja impa-innilan Apo Jos ay chicha an hay impadtu cha ja hini aphochan ju an pfu-un hini aphochan cha. Ti hay hato khun cha allon chin nahop ja hija khu chin inalin hachi nangaskasaba ay chaꞌju ay ni Ebanghelyo. Enchalan ni Espiritu Santo chicha an narpu ay Apo Jos ad langit ta impa-innila cha ay chaꞌju, ja anong un hana angher ja podpodhon cha an piꞌ-annila.

Apokalipsis 11:19

Nipfughor chin Templon Apo Jos hichi ad langit ja matikhaw chin kahon an nangittugwan cha chin chugwa an pfato an nitula-an chin himpolo an urchin Apo Jos. Ja mun-ilat ja mungkhikhinlunud chin ichor, ja nungkhihu ja immuchan hi cho-or hi chalallo.