Matthew 27:23 - Hapit apo jos

²³ Ja inali na khu hi, “Anagkha? Ngay tugwali pfahor na?” Muti en-ar-alla cha an nangiꞌgwap hi, “Epepfakhat mu!”

Matthew 27:23 Iomraidhean Croise

Matthew 27:22

Ja inalin khu Pilato hi, “Nu amat hina ayya ja ngay allon ju hi atoꞌ ay tay an hi Hesus an ma-ali hi Kristo?” Ja hi-a-ali cha hi, “Epepfakhat mu hi kros!”

Matthew 27:24

Amat hichi ja tinikhaw Pilato an achi ma-arjan hachi tatakhu ja gwa an munhohongnger cha. Hotti empa-ala na han pfatja an nittugwan hi chanum ja numpfulu ta tikhan hachi atakhutakhu. Ja inali na hi, “Tayya an pfinulugwaꞌ hay hato ngamoy u ta panginnilaan ju an agkhujaꞌ neꞌ-ampoy ay chaꞌju ay tay i ju pamatajan ay tay an takhu. Hotti nangamong aju!”

Luke 23:4

Amat hichi ja inalin Pilato hachi a-ap-apon chi papachi ja hachi tatakhu hi, “Ma-id chi machakngaꞌ hi hay panghiꞌ-ingan hi pangchaloman ay tay an takhu.”

Acts 13:28

Anong un ma-id pfahor na hi pamatajan cha, ja chinagchag cha hi Pilato ta empapatoy na.

Acts 23:10

Ja unot la-ahna ja en-om-omod cha an nunhahannu. Ja temma-ot chin ap-apon chi hinchalo ti unchani ja numpfingit cha chin achor Paul. Hotti inali na hachi hinchalo na ta umuy cha agwiton hi Paul ta epfangngad cha hichi kampo.

Acts 7:57

Unchaot chengngor hitay ja hi-u-ugwap cha ja empop cha chin inga cha ja hitatagtag cha an i namohpoh ay Stephen.