Matthew 27:21 - Hapit apo jos

²¹ Hotti chin piggwana hi nangarjan Pilato hi, “Hot ngachan ni penhod ju hi mipfu-aan ay cha tay an chugwa?” ja inali cha gwot hi, “Hi Barabas!”

Matthew 27:21 Iomraidhean Croise

Matthew 27:17

Gwa an na-amung hachi atakhutakhu ja inalin Pilato ay chicha hi, “Ngachan nuy penhod ju hi ipfu-aaꞌ hi pfalud ad ugwani an pfehta? Hi Barabas wenno hi Hesus an ma-ali hi Kristo?”

Matthew 27:20

Muti hay hachi a-ap-apon chi papachi ja hachi uchumna an a-ap-apo ja enchokhochokhor cha hachi tatakhu ta allon chay Barabas chi mipfu-aan, ja matoy koma hi Hesus.

Matthew 27:22

Ja inalin khu Pilato hi, “Nu amat hina ayya ja ngay allon ju hi atoꞌ ay tay an hi Hesus an ma-ali hi Kristo?” Ja hi-a-ali cha hi, “Epepfakhat mu hi kros!”

Luke 20:14

Muti unot nangalimutugwan hachi neꞌpfengpfeng hichuy empfalay na ja nunhahapit cha ja inali cha hi, ‘Hijah tay hini empfalay ni khun ta-o piꞌpfengpfengan an hijay mamanoh ay tay lotan ama na. Unot la-ahna ja penatoy ta-o ta chita-oy mangheꞌ-a ay tay lota.’

Luke 23:13

Empapfokhan Pilato hachi a-ap-apon chi papachi, ja hachi uchumna an ap-apo, ja hachi tatakhu.