Matthew 11:22 - Hapit apo jos

²² Alloꞌ ay chaꞌju hi, umali ayya hini arkhaw an Panugijan Apo Jos an amin hi tatakhu, ja machamchamot hini dusan hana eKorazin ja eBetsaida mu hay hana eTiro ja hana eSidon. Ti hay hato an eKorazin ja eBetsaida ja khun cha tikhan hay hato milagro ja achi cha chamchama chuꞌkhon hana pfahor cha.

Matthew 11:22 Iomraidhean Croise

Matthew 10:15

Umannung hitay alloꞌ ay chaꞌju an umali ayya hini arkhaw an Panugijan Apo Jos hi tatakhu, ja machamchamot hini dusan hana tatakhu ay nuy an pfuglay mu hachi tatakhu ad Sodom ja Gomorah an khenhob Apo Jos chin timpon Abraham.

Matthew 11:21

Ja inali na hi, “Ka-ahi cha hay hana eKorazin ja eBetsaida! Nu na-at ad Tiro ja ad Sidon hachi otong an milagro an enat u ay chuy pfuglay cha, hot gwa agkhu niꞌ an napfajag an nunlopfong cha hi kamma ja inlipfu chay chapor ay ni ulu cha an pangpatikhagwan chay nan-ukhan cha hi pfahor cha.

Matthew 11:24

Alloꞌ ay chaꞌju hi, umali ayya hini arkhaw an Panugijan Apo Jos hana tatakhu, ja machamchamot hini dusan hana tatakhu ad Capernaum mu hay hachi tatakhu ad Sodom an khenhob Apo Jos chin timpon Abraham.”

Matthew 12:36

Alloꞌ ay chaꞌju hi, ay nuy arkhaw an Punhugijan Apo Jos ja hongpfatan hana tatakhu ay hija an amin hana agkhuy cha enor-oloꞌla an hinapit.

Luke 10:14

Umali ayya hini arkhaw an Panugijan Apo Jos an amin hi tatakhu ja machamchamot hini dusan hana eKorazin ja eBetsaida mu hay hana eTiro ja eSidon. Ti hay hato an eKorazin ja eBetsaida ja khun cha tikhan hay hato milagro ja achi cha chamchama chuꞌkhon hana pfahor cha.

Hebrews 2:3

Hotti nu amat hina chi na-at hachi nangtello chin urchin Apo Jos an impa-innilan hana angher ja achi mehalla an om-omochot an madusa ta-o nu inganuy ta-o hini napfalor an intudtuchun Apo Hesus, an hija hini aton an miꞌtakhu ay Apo Jos. Ti hi Apo Hesus hini nahhun an nangpa-innila ay tay an tudtuchu, ja hay hana nunchongor ay hija chi nanihtikhuwan ay chita-o an umannung hay hato.

2 Peter 2:9

An amin hay hato an na-at chin nahop ja hijay panginnilaan an anilan Apo Jos an manakhu hana miꞌ-unud ay hija hi timpon chi punlikhatan cha. Ja hana ayya ngumangannu ay hija ja enchachaag na hini adusaan cha ay ni arkhaw an Panugijana hi tatakhu.

2 Peter 3:7

Ja hitay lota ad ugwani ja hana gawwa ad uchu, ja epadchong Apo Jos an aton hini inali na an pfantajana ingkhana chin arkhaw an Punhugijana. Ay nuy an arkhaw ja khobhona hitay lota ja hana gawwa ad uchu, ja hugijona hana tatakhu an achi mamati ta madusa cha hi ma-id chi pogpogna.

1 John 4:17

Nu amat heto hot omot-ottong hini pamhod ta-o ay Apo Jos ingkhanah ma-id i na pungkuchangan. Hijaot un ma-id i ta-o tomaꞌtan hu-un machakngan hini arkhaw an Panugijan Apo Jos hi tatakhu. Ti nu gway pamhod ay chita-o, hot amat ta-o ay Kristo chin agawwachaana heto lota.

Apokalipsis 20:11

Ja tinnig u han otongngan ja mapuchaw an trono, ja tinnig u khu hini inu-umpfun. Himpfumagkha ja na-upfah hitay lota ja hana gwa ad uchu, ja ma-id mahpay matikhaw.

Apokalipsis 20:12

Ja tinnig u khu an amin chin nun-a-atoy, nun-atakhay ja nababa, an timmataꞌchug cha an nanahhangot ay chuy trono. Numpummahu chin nun-atoy hichi baybay ja chin uchumna an natoy ja anong un hachi gwa ad chalom. Pfinilag Apo Jos hini libju an nitula-an chi ngachan hay hana miꞌtakhu hi ma-id pogpogna. Ja pfinilag na khu hachi uchumna an libju an nitula-an chi ena-enat hachi tatakhu chin atattakhu cha. Ja oha-ohanna hon nahugi ay ni ena-enat na.