Luke 9:52 - Hapit apo jos

⁵² Hotti hennag Hesus hana mangpangpangulu an umuy mangpa-innila han ohan pfarjun chi Samaritan ta ehakhanaan cha hija.

Luke 9:52 Iomraidhean Croise

Matthew 10:5

Hennag Hesus hay hato himpolo ta chugwa ja hijah tay chi imbilina an inali na ay chicha hi, “Achi aju umuy hana pfuglay chi Hentil ja achi aju khu umuy hana pfuglay chi Samaritan.

Luke 10:1

Gwa han ohan arkhaw ja pinilin Hesus han petoy polo ta chugwa an tatakhu ja hininchuggwa na chicha an hennag ta ipangulu cha an umuy hay hana pfarju ja pfuglay an nenomnom na an omajan.

Luke 10:33

Ja naloh khu han ohan Samaritan an nunhahakkay. Ja unot emmatam chin gwachaan chin mamattoy an lala-e ja tinnig na ja ninignikha na hija.

Luke 17:11

Entoloy Hesus chin omajana ad Jerusalem ja eneꞌgwa na ay nuy numpfattanan chi Samaria ja Galilee.

Luke 17:16

Temmagtag an i nunheppe ay Hesus ja nunyaman. Ja un pay Samaritan hitay an lala-e.

Luke 7:27

Ti hi John hini nitulungan ni nitulaꞌ an hapit Apo Jos hi nangarjana hi, ‘Tayya an honakhoꞌ hitay mangpangpangullu ja un he-a ta ehakhana na hini agwum.’ ”

John 4:4

Ja mahapor an eꞌgwa cha hichi provincian chi Samaria.

John 4:5

Gwa an nahaꞌ-ad ja ne-atam cha hichi ad Sikar an ohan pfuglay ad Samaria, an nehnot ay ni lota an empfanoh Jakob chin nahop ay Josep an empfalay na. Ay chuy an lotan Jakob ja gwa han pfupfun ja inu-umpfun hi Hesus ay chuy ngapfar na, ti naꞌ-ablay an chimmalachalan.

John 4:9

Ja nanannor chin pfupfai, ti hachi Hudju ja khun cha pahigwon hachi eSamaria ja ugali cha an achi cha midmidchum ay chicha. Ja inalin chin pfupfai hi, “Aa, muti Hudju a jaꞌ, ja anagkha ta la-ahna ja ha-in an eSamaria chi pumpfokhaam hi hay inumom?”

John 8:48

Inalin khu hachi Hudju hi, “Umannung man chin inali mi an Samaritan a an nahuhuꞌlungan hi napukhit an ispiritu.”