Luke 4:31 - Hapit apo jos

³¹ Amat hichi ja immuy hi Hesus ad Kapernaum an provincian chi Galilee. Nachakngan chin Hapfachu an ngilin chi Hudju ja niꞌjuy hija hichi sinagoga an i nuntudtuchu hachi tatakhu.

Luke 4:31 Iomraidhean Croise

Matthew 10:23

Nu palikhaton chaꞌju ay ni oha an pfuglay ja lomajaw aju ta umuy aju ay ni oha. Umannung hitay alloꞌ, an achi ju pachaꞌpuhon an lawlagwon an amin hana apfuglapfuglay ad Israel hot umali hini arkhaw an pumpfangngachaꞌ an Na-ilangitan an Takhu.”

Matthew 4:13

muti agkhuy numpfangngad ad Nazaret, an i neꞌheto ad Kapernaum an nehnot hichi Baybay ad Galilee ja hajop chin lota an inchat Apo Jos chin holag cha Zebulun ja holag Naftali.

Luke 4:23

Ja inalin Hesus ay chicha hi, “Gwa han hapit an allona hi, ‘He-a an choktor, akhaham otniꞌ hini achor mu.’ Ja anilaꞌ an hijay allon ju ay ha-in, ti allon ju hi, ‘Gwacha anu hana milagro an enat mu ad Kapernaum hotti peꞌ-at mu adchiya heto pfuglay ta-o.’ ”

Acts 13:50

Muti chinagchag chin Hudju hay hachi a-ap-apon chuy an pfuglay ja hana ma-ar-ali an pfinapfai an khun meꞌdayaw hachi Hudju ta miꞌpahiw cha ay cha Paul ay Barnabas. Amat hichi ja empakak cha chicha ay chuy pfuglay cha ad Antokya.

Acts 18:4

Ahapfahapfachu hon khun umuy hi Paul hichi sinagoga an i miꞌhahapit ja muntuchu ay ni hapit Apo Jos, ti penhod na an mamati hana Hudju ja Hentil.