Luke 23:4 - Hapit apo jos

⁴ Amat hichi ja inalin Pilato hachi a-ap-apon chi papachi ja hachi tatakhu hi, “Ma-id chi machakngaꞌ hi hay panghiꞌ-ingan hi pangchaloman ay tay an takhu.”

Luke 23:4 Iomraidhean Croise

Matthew 27:19

Hay oha khu hi pamhochan Pilato an mangpfu-aan ay Hesus ja ay chuy inu-umpfunana ay chuy umpfunan chi munhugwi, ja gwa han empaad cha an inalin ni ahagwa na an, “Achi a manger-er hi im aton ay nuy an takhu an ma-id pfahor na, ti enenop u ad a-ukhab, ja atattata-ot ja tan unaꞌ omelo-elob.”

Mark 15:14

Ja inalin Pilato hi, “Anagkha? Ngay tugwali pfahor na?” Muti en-ar-alla cha an nangiꞌgwap hi, “Epepfakhat mu!”

Luke 23:22

Ja empetlon Pilato an niꞌhapit hachi tatakhu ja inali na hi, “Anagkha? Ngay tugwali pfahor na? Ma-id ay chita chinakngaꞌ hi enat na hi panghiꞌ-ingan hi pamatajan ay hija. Hotti tayya an ipahuplit u hija ja un u ipfu-aan.”

John 18:38

Ja inalin Pilato hi, “Ngay ngachah nuy umannung an khun mu hapiton?” Amat hichi ja pfimmutay khu hi Pilato ja inali na hay hachi Hudju hi, “Ma-id chi machakngaꞌ hi hay panghiꞌ-ingan hi pangchaloman ay hija.

Acts 25:25

Muti ma-id chinakngaꞌ hi pfahor na hi pamatajan ay hija. Ja tan penhod na an hini Emperador chi manumarja ay hija, hotti nenomnom u an ipi-uy ad Rome.

Acts 3:13

Mahapor an annilaon ju an hitay an hi Apo Jos an khun dayawon hachi a-ammod ta-o, an cha Abraham, ja hi Isaak, ja hi Jakob, chi nangat ta ipapfagpfagto na hini Apo mi an hi Hesus an pfaar na. En-agwat ju hija hachi a-ap-apo ja chin-ug ju hija chin nunhumarjaan Pilato, an anong una podhon an ipfu-aan ja in-achi ju.

Hebrews 7:26

Hijaot un hi Hesus hini Natakhay an Pachi an mahapor ta-o. Ti nasantuwan ja ma-id chi hay pfahor ja khinit na. Achi miꞌpadchung ay chita-o an napfahulan, ti hijay munnaud an napfagpfagto an amin, anong un hana gwa ad langit.

1 Peter 1:19

muti hay numpfajad na ja chin napfalor an chalan Kristo an ma-id oh-ohhah pfahor na, ja mipadchung hi pfoꞌtot chi karnero an machengeh an midaton ay Apo Jos.

1 Peter 2:22

Ma-id oh-ohhah enat Kristo hi pfahor ja agkhuy nunlahlah.

1 Peter 3:18

Ti anong un hi Kristo ja nalikhatan ja en-atoy na hana pfahor ta-o. Namengpenghan an natoy, achi mahapor an ipiggwa na. Hija an magpong ja nang-atoy ay chita-o an napfahulan ta ehnot chita-o ay Apo Jos. Penatoy cha chin achor na muti matakhu hija ay ni kinajos na.