Luke 22:43 - Hapit apo jos

⁴³ Amat hichi ja numpatikhaw han ohan angher an narpu ad langit ja impapfi-ah na chin nomnom Hesus.

Luke 22:43 Iomraidhean Croise

Matthew 26:53

Khemhom un amat hetoy atom an tomolong ay ha-in muti agkhuy mu nenomnom an nu podhoꞌ an mumpatolong hot alloꞌ ay Ama ta honakhona gwot hay hingkhahot hi lipfu an angher ta gway tomolong ay ha-in.

Matthew 4:11

Amat hichi ja nakak hi Satanas. Ja immuy hachi angher Apo Jos an nanulungan ay Hesus.

Matthew 4:6

Ja inalin Satanas ay hija hi, “He-a jaꞌ hini Empfalay Apo Jos, hotti omaꞌpfaw a. Ti allona ay ni Hapit Apo Jos hi, ‘Honakhon Apo Jos hana angher na ta halimunan chi-a, ja tapajaon chi-a hot achi a mepahpah hi pfato.’ ”

Luke 22:32

Muti engkalalakhaꞌ he-a, Simon, ta achi mapaꞌ-i hini pammatim. Inhalimuwat mu ayya ja papfi-ahom hana papadchung mu an adalan.”

Acts 14:22

An amin hay hato pfuglay an immajan cha ja khun cha muntudtuchu ta papfi-ahon cha hachi namati. Ja tinukhun cha chicha ta munchochodcha cha ay ni pammati cha. Ja intuchu cha khu an cho-or hana likhat hi hopkhon chi namati ja un omatam ay ni Pun-ap-apugwan Apo Jos ad langit.

Acts 18:23

Nihihidchi hi Paul ad Antokya hi at hichih arkhaw ja unot khu umuy hachi apfuglapfuglay ad Galatia ja ad Frigia, ta i na papfi-ahon hini pammatin hachi namati.

1 Timoti 3:16

Achi mehaot an hini pinati ta-o an omaꞌ-atan Kristo Hesus ja munnaud an napfalor. Agkhuy impa-innilan Apo Jos chin hopapna muti ay chita-o ad ugwani an timpo chi nangpa-innilaana. Ti immali hi Kristo an numpfalin hi takhu. Impa-innilan ni Espiritu Santo an magpong hija. Ja tinnig hana angher, Nekasaba hini nitakhuwana hi apfuglapfuglay, Ja hana tatakhu heto lota ja pinati cha. Ja timmalakhuy ad langit ta mipapfagpfagto.

Hebrews 1:14

Hotti ngay haad chi angher? Chichay pfaar Apo Jos an achi matikhaw an khuna honakhon an tomolong hana tatakhu an takhuwona.

Hebrews 1:6

Ja hay hato chi inali-alin Apo Jos ja unaot honakhon hini oh-ohha an Empfalay na an umali heto lota, an allona hi, “An amin aju an angher u, ja mahapor an dayawon ju hija.”

Hebrews 2:17

Hijaot un mahapor an numpfalin hija hi takhu ta amat ay chita-o an a-akhi na, ta gway atona an mumpfalin hi natakhay an pachi an gway nignikha na ja mapagtarkan an khun munserbi ay Apo Jos. Hijay nanaꞌpfat hi ohong chi pfahor ta gway aton ta-o an mapakawan.