Luke 19:44 - Hapit apo jos

⁴⁴ Apfakon chaꞌju ja penatoy chaꞌju an munheto ja pun-idchum cha hana empfapfalay ju. Anong un hana pfinatto an pfalay ju ja mun-apaꞌ-i cha. Ti agkhuy ju tugwali immatunan hini immali an Manakhu ay chaꞌju.”

Luke 19:44 Iomraidhean Croise

Matthew 24:2

Ja inalin Hesus hi, “Tayya an matikhaw ju hitay aphod tay Templo, muti umannung hitay alloꞌ ay chaꞌju, an umali han arkhaw hot mun-ahagwer ja mun-egwa-at cha hay hato pfato an apja na.”

Mark 13:2

Tempfar Hesus ja inali na hi, “Tayya an matikhaw ju hitay otong an Templo an napfarpfalongabpfingan, muti umali han arkhaw hot mun-ahagwer ja mun-egwa-at cha hay hato pfato an apja na.”

Luke 1:68

“Edaydayaw ta-o hi Apo Jos an Apo ta-o an holag Israel. Ti tinulungana hana tatakhu na ja hennag na hay Manugwar hi pfahor cha

Luke 1:78

Ti na-anuh hi Apo Jos ja ma-id pogpog ni nignikha na. Hot gwa han ipa-ali na an marpu ad langit an manenakhan ay chita-o an nun-aherngan an neꞌcha hi patoy. Ja edchong chita-o ay ni malenong an piꞌtakhuwan.”

Luke 19:42

ja inali na hi, “Inannila ju koma ad ugwani hini mangchat hi pomhochan ju. Muti tayya an achi ju ma-imatunan.

Luke 21:6

“Tayya an matikhaw ju hay hato, muti umali han arkhaw hot mun-ahagwer ja mun-egwa-at cha hay hachi pfato an apja na.”

1 Peter 2:12

Hay mahapor ja matikhaw koma hana agkhuy namati an hahakhokhong ju hini maphod an aton ju an miꞌtakhu. Ti nu amat hetoy aton ju, ja anong un chaꞌju papahhigwon an allon chay napukhit hana ugali ju, ja khun cha chamchama tikhan hana maphod an khun ju aton, hot dayawon cha hi Apo Jos ay nuy arkhaw an panakhuwana ay chicha.