Luke 19:42 - Hapit apo jos

⁴² ja inali na hi, “Inannila ju koma ad ugwani hini mangchat hi pomhochan ju. Muti tayya an achi ju ma-imatunan.

Luke 19:42 Iomraidhean Croise

Luke 19:41

Gwa an enamang Hesus ad Jerusalem ja kinilaana hana tatakhu hichi,

Luke 19:43

Umalin to han arkhaw an hay hana pfuhur ju ja umali cha an meꞌpapattoy ay chaꞌju. Liꞌmuton cha hini pfuglay ju ja mun-ephod cha hi alad an munleneꞌgwoh ay ni pfuglay ju hot ma-id aton ju an lomajaw.

Luke 19:44

Apfakon chaꞌju ja penatoy chaꞌju an munheto ja pun-idchum cha hana empfapfalay ju. Anong un hana pfinatto an pfalay ju ja mun-apaꞌ-i cha. Ti agkhuy ju tugwali immatunan hini immali an Manakhu ay chaꞌju.”

Acts 10:36

Hotti anila ju hini Ebanghelyo an impa-innilan Apo Jos ay chaꞌmi an holag Israel an khapo chin enat Hesu Kristo hi natajana hichi kros ja napogpog chin niꞌpfipfinnuhulan ta-o ay Apo Jos. Ja hi Hesu Kristo chi Apo ta-o an amin an tatakhu.

Acts 13:46

Muti agkhuy temma-ot cha Paul ay Barnabas ja inali cha hi, “Mahapor an chaꞌju an Hudju chi mahhun an pangtuchugwan mi ay tay hapit Apo Jos. Muti tayya an chin-ug ju, hotti un chaꞌju hon hinugi ju hini achor ju an achi mipfilang an miꞌtakhu ay Apo Jos hi ma-id chi pogpogna. Hotti nangamong aju ta hay hana Hentil chi i mi pangtuchugwan.

Hebrews 3:13

Ad ugwani gwot chi allon Apo Jos hi timpo an unuchon ta-o hini tukhuna ta ma-id malachaw. Hotti un aju gwot manghintitinnukhun hi a-arkha-arkhaw ta ma-id chi oha ay chaꞌju hi mapfunggwitan hi pfahor, ja ta achi pfumato hini nomnom ju.

Hebrews 3:15

Epanomnom u pay ay chaꞌju hitay impatulaꞌ Apo Jos an nangarjana hi, “Ad ugwani, ja chonglon ju hini tukhun Apo Jos ja achi ju ilukhangeh an amat chin enat hachi a-ammod ju an ngimmangannu ay Apo Jos.”

Hebrews 3:7

Hotti mahapor an unuchon ta-o chin intukhun ni Espiritu Santo hi nangarjana hi, “Ad ugwani, ja chonglon ju hini tukhun Apo Jos,