James 5:3 - Hapit apo jos

³ Hana pfalituꞌ ja pelaꞌ an inamung ju ja nunlati, ja hitay lati chi mangpatikhaw an pfimmahor aju khapo ta na-amnagwan aju. Hotti hitay chi khapo na an dusaon chaꞌju ay Apo Jos, ja hinuy lati ja amat hi apoy an omman ay ni achor ju. Ja tayya an umalin to hini Panugijan Apo Jos an amin hi tatakhu, hot hay hana inamung ju an enachangjan ja ma-id inherpfi na.

James 5:3 Iomraidhean Croise

Acts 2:17

‘Hitay chi allon Apo Jos. Chin angonoh chi ar-arkhaw ja ipa-aliꞌ hini Espirituꞌ an amin hi tatakhu, hot ipadtun hana empfapfalay ju an linala-e ja pfinapfai hay podhoꞌ an ipa-innila ay chaꞌju, ja tikhan hana ungunga an linala-e hay ipatikhaw u ay chicha, ja empon hana lallakay hay epa-enop u ay chicha.

Romans 2:5

Muti niya an achim podhon an chuꞌkhon hana pfahor mu ti pfimmato hini nomnom mu. Hotti un mu inug-ugman hini hoꞌmom an dusa ay ni arkhaw an pangpatikhan Apo Jos ay ni pfungot na ja hini magpong an atona an manugwi.

2 Timoti 2:17

Hana khun cha ituchu ja amat hi chokhoh an lomoꞌloꞌ an amin heto achor. Nidchum cha Himeneus ay Filetus an khun muntuchu hi amat heto.

2 Peter 3:3

Paꞌpa-alloꞌ ay chaꞌju hi mahapor an ma-awatan ju an chin ang-angonoh chi ar-arkhaw ja gwa hana tatakhu an un cha puntakhalan hitay Hapit Apo Jos ja unuchon cha hana napukhit an penhod ni achor cha. Kekejan chaꞌju

Apokalipsis 17:16

Ja pfuhulon chin tinnig mu an himpolo an ari ja chin animar hichuy pfupfai an putah. Ja alaon cha khu an amin hana khina-u na ta un mummomolleh. Anun cha hini lamoh na ja khenhob cha hay nahagwar ay ni achor na.

Apokalipsis 21:8

Muti hana manghaot ay Kristo khapo hi ta-ot cha, ja hana ma-id pammati na, ja hana mangat hi akhakhaꞌ-ihaw, ja hana khun pomatoy, ja hana khun me-eloꞌ hi pfu-un ahagwa na, ja hana khun mumpfuni, ja hana khun mundayaw hi achi umannung an jos, ja hana mumpunlahlah, ja hay omajan cha ja hichuy pfannaw an asufre an khun munchalang. Hitay hini me-aggwa an atajan.”