James 2:12 - Hapit apo jos

¹² Pa-ennongan ju hini hapiton ju ja hini aton ju hi ibpfa ju hi tatakhu, ti anila ju an hugijon chita-o ay Apo Jos an mepognad ay ni in-urchina an aton an miꞌtakhu ta mergwang ta-o hay adusaan khapo hi pfahor.

James 2:12 Iomraidhean Croise

Luke 4:18

“Hini Espiritun Apo Jos ja gwacha ay ha-in. Piniliyaꞌ ay hija an umuy mangkaskasaba ay ni maphod an hapit Apo Jos hay hana napubli. Hennakhaꞌ an umali an mangpa-innila an mipfu-aan hana pfinalud Satanas, tumikhaw hana napfulaw, ja matulungan hana maliglikhatan.

John 8:32

Annilaon ju hana umannung, hot mipfu-aan aju ta achi aju mahpay himpfut.”

Galatia 6:2

Hay maphod hi aton ja, nu gway machamot hi punlikhatan chi ohanna ay chaꞌju, ja manghintitinnolong aju. Hitay chi aton an umunud hana in-urchin Kristo.

Filipos 4:8

A-akhi, hay me-angonoh hi itukhun u ja hana mun-o-onan koma heto nomnom ta-o ja hay hato. Nomnomon ta-o an amin hana umannung, hana gway herpfi na, hana magpong ja achi mapahiw, hana mapmaphod ja hana omepachenor. Hotti an amin hana mapmaphod ja madayaw, ja chichay mun-o-onan heto nomnom ta-o.

Kolosas 3:17

Chaꞌjuy tatakhun Hesus an Apo ta-o hotti mahapor an pa-ennongan ju an amin chi aton ja hapiton. Ja khun aju munyaman ay Jos Ama khapo ay ni enat Hesus.

James 1:25

Muti hini takhu an mangpa-ennongan an mangachar an amin hana magpong an urchin Apo Jos an mangwayawaya hi tatakhu ta gway aton cha an mangat ay ni penhod na, ja etoloy na an khun unuchon an achi na alichuwan, hot epaphod Apo Jos an amin hini atona.

James 2:8

A-akhi, hay maphod hi aton ja unuchon ta-o hitay napfalor an in-urchin Apo Jos hi nangarjana hi, “Podpodhon ju hini padchung ju an takhu an amat ay ni pamhod ju ay ni achor ju.”