Filemon 1:22 - Hapit apo jos

²² Hotti hay khu epfokhaꞌ ay he-a ja ehakhanaanaꞌ hi kwarto hi alo-aꞌ nu umaliyaꞌ. Ti mamatiyaꞌ an hongpfatan Apo Jos hana kalalag ju ta ipapfutajaꞌ heto pfaluchan ta gway atoꞌ an umali hina gwachaan ju.

Filemon 1:22 Iomraidhean Croise

Acts 27:24

Ja inali na hi, ‘Paul, achi a toma-ot, ti mahapor an mahumarja a ay ni Emperador ad Rome. Ja khapo ay he-a ja ka-ahiyaꞌ cha nuy numpun-ibpfam an niꞌlukhan ta ma-id chi hay matoy.’

Acts 28:23

Amat hichi ja enegpong cha han arkhaw hi a-amungan cha. Nachakngan chin arkhaw an enegpong cha ja cho-or cha an na-amung chin nunhihittugwan Paul. Ja nuntudtuchu hija nete-a chin nannanong ja ingkhana hi nadhom, ta impa-innila na hini omaꞌ-atan ni Pun-ap-apugwan Apo Jos. Ja niꞌ-ali na khu chin intulaꞌ cha Moses ja chin profetan Apo Jos chin hopapna an omaꞌ-atan Hesus ta gway aton cha an mamati.

Romans 15:24

Hotti hay nenomnom u ja umalijaꞌ pay hina achaan ju chin omajaꞌ ad Spain. Ja mapfalin an mumpatolongaꞌ ay chaꞌju hay hana mahapor u ta etoloy u an umuy ad Spain. Muti mihinaaꞌ pay ay chaꞌju hi at hichi hi arkhaw ta mun-an-anla ta-o an munchichittum.

2 Korinto 1:11

Hotti hay mahapor hi peꞌ-at ju, ja tulungan chaꞌmi hi kalalag. Hot hongpfatan Apo Jos hana cho-or an kalalag ju ta ekhohkhohan chaꞌmi, hot cho-or chi munyaman ay hija.

Filipos 1:19

ti anilaꞌ an khapo hay hana kalalag ju ja hini tolong ni Espiritu Santo an inchat Hesu Kristo ja hay aphochaꞌ chi ipfungan tay na-at ay ha-in.

Filipos 2:24

Ja anong un ha-in ja munhocholaꞌ ay Apo Hesus an achi mapfajag hot umaliyaꞌ hina.

Hebrews 13:19

Achi aju adniꞌ amat hina ta ekalalakhanaꞌ ta alom ja achi umijahop ja empfangngachaꞌ ay Apo Jos ay ni gwachaan ju.

Hebrews 13:23

Podhoꞌ an ipa-innila ay chaꞌju an pfimmutay hini ibpfa ta-o an hi Timoti hichi pfaluchan. Nu umali gwot heto hot mitnud ay ha-in an umali hina gwachaan ju.

James 5:16

Hotti manghinpupudnu ja manghinpepennakawan aju nu gway pfimmahulan chi oha-ohanna ay chaꞌju, ja mungkikinnalalag aju ta gway aton ju an tomenong. Ti hini kalalag ni magpong an takhu ja gway apfalinana ta otong chi ma-at na.

2 John 1:12

Cho-or pay hana podhoꞌ an allon ay chaꞌju muti achiꞌ podhon an itulaꞌ. Ti hay nenomnom u ja umaliyaꞌ an manggwangar ay chaꞌju ta munhahhahapit ta-o. Hot munnaud chi i ta-o pun-an-anlaan nu muntitinnikhaw ta-o.

3 John 1:14

Ti hay nenomnom u ja umaliyaꞌ hina an mannig ay he-a ta un taot munhapit.