1 Peter 2:4 - Hapit apo jos

⁴ Mehnot aju ay tay arpugwan chi piꞌtakhuwan an hi Kristo, an mipadchung hi mamattakhu an pfato an pognad chi pfalay. Hitay an pfato ja chin-ug chi tatakhu muti pinilin Apo Jos ja napfalor ay hija.

1 Peter 2:4 Iomraidhean Croise

Matthew 11:28

Umali aju an amin ay ha-in, chaꞌju an machachamtan ja maliglikhatan. Ehchor ju an amin ay ha-in hot ha-in chi mangchat hi pun-ar-alenagwaan ju.

Matthew 12:18

“Tayya hitay pfaar u an piniliꞌ. Hijay podpodhoꞌ ja munchenolaꞌ ay hija. Honakhoꞌ hitay Espirituꞌ ta munheto ay hija Ja ipa-innila na hini atoꞌ an manugwi hi tatakhu.

Matthew 21:42

Ja entoloy Hesus an nangali hi, “Anilaꞌ an pfinaha ju hitay nitulaꞌ an Hapit Apo Jos hi nangarjana hi, ‘Hinuy pfato an namlenan hay hana mumpakhad hi pfalay Ja hijay numpfalin hi na-ahammad an pognad tay an pfalay. Hi Apo Jos chi nangat ay tay, Ja nakaskasda-aw hi pannikhan ta-o!’

John 14:19

Achi mapfajag hot achiyaꞌ mahpay tikhan hay hana agkhuy namati. Muti chaꞌju ayya, ja hintikhanaꞌ khu. Ja khapo ta matattakhuwaꞌ ja miꞌtattakhu aju khu.

John 14:6

Tempfar Hesus ja inali na hi, “Ha-in chi chalan ja ha-in chi umannung ja ha-in chi arpugwan chi nahamad an piꞌtakhuwan. Ma-id umuy ay Ama nu pfu-un ha-in chi agwuna.

John 5:26

Hi Ama hini arpugwan chi piꞌtakhuwan, ja eneꞌcha na an amat hina khu hini piꞌtakhuwaꞌ an Empfalay na.

John 5:40

ja achi ju chamchama podhon an umali ay ha-in an gway apfalinana an mangchat hi nahamad an piꞌtakhuwan.

John 6:37

An amin hana eneꞌchan Ama an mumpfalin hi tatakhuꞌ ja umali cha ay ha-in. Ja hini umali ay ha-in ja akhamichoꞌ an achiꞌ epakak.

John 6:57

Hi Ama an mamattakhu chi nannag ay ha-in, hijaot un gwa ay ha-in hini nahamad an piꞌtakhuwan. Amat khu hina hana mangan ay ha-in, an magwachaan cha hi nahamad an piꞌtakhuwan.

Romans 5:10

Ti umannung an chin hopapna ja chita-oy pfuhur Apo Jos. Muti ad ugwani ja penogpog na chin pfuhur ta-o ay hija hichin nang-atajan ni Empfalay na an hi Hesu Kristo. Ja tan ad ugwani an neꞌ-oh-ohha ta-o ay Apo Jos, ja om-omod pay an miꞌtakhu ta-o khapo chin nummahuwan Kristo.

1 Korinto 3:11

Ti achi mapfalin an maparkhan hini ne-apja an pfato an ipattu-an chi tu-ud an ma-id uchumna nu pfu-un hi Hesu Kristo.

Kolosas 3:4

Ja machakngan ayya chin ipatikhagwan ni gloryan Kristo an narpugwan tay pfakhu an piꞌtakhuwan, ja matikhaw khu hini glorya ta-o an ninidchum ayhija.

1 Peter 1:19

muti hay numpfajad na ja chin napfalor an chalan Kristo an ma-id oh-ohhah pfahor na, ja mipadchung hi pfoꞌtot chi karnero an machengeh an midaton ay Apo Jos.

1 Peter 1:7

ta mapacha hini pammati ju nu nehamad. Ti anong un hay pfalituꞌ an ma-upfah hi uchum chi arkhaw ja ujangon cha hi apoy ta emamad nu namahmah an pfalituꞌ. Hotti om-omod pay an mahapor an mapacha hini pammati ju ti napfarpfalor mu hay pfalituꞌ. Ja nehamad ayya hot edayaw ja ipapfagto chaꞌju chin arkhaw an pumpfangngachan Hesu Kristo.

1 Peter 2:7

Hotti chita-o ayya an namati ja impfilang ta-o hija an napfalor. Muti hana ayya agkhuy namati, ja nomnomon cha koma an umannung hitay impatulaꞌ Apo Jos hi nangarjana hi, “Hini pfato an namlenan hay hana khun mumpakhad hi pfalay, ja hijay numpfalinon Apo Jos hi na-ahammad an pognad tay an pfalay.”

2 Peter 1:1

Ha-in hi Simon Peter an oha an khun munserbi ay Hesu Kristo ja ohaaꞌ ay cha nuy pinili na hi apostol na. Muntula-aꞌ ay chaꞌju an nichatan hi pammati an ma-id nat-onana ay ni pammati mi khapo ta hi Hesu Kristo an magpong an Jos ta-o an Nanakhu ay chita-o, ja numpapadchungona hini enat na ay chita-on amin.

2 Peter 1:4

Khapo ay tay kinapfagto ja kina-aphod na ja engkhohkhohan chita-o ta immachawwi ta-o hana napupukhit an khun unuchon hana tatakhu ay tay lota an pumaꞌ-i hi achor ja nomnom. Ti inchatan chita-o hana napfarpfalor an ingkari na ta miꞌtakhu ta-o ay tay najusan an piꞌtakhuwan.