Ruth 2:8 - Nan Hapit Apu Dios

⁸ Ta immeh Boas ot e mi'hapit i Ruth an alyonay, Donglom an imbabale, maphod on inaynayunmu an miyun'unud hitudan binabain punggapaso' ta adim nomnomnomon an umaldan hi udum an natanoman.

Ruth 2:8 Iomraidhean Croise

2 Patul 5:13

Mu inhapitan nadan baalna an alyonday, Apu Naaman onha nin ta ha naligat di ipa'at nan propeta i he"a ot wan anusam an aton. Ot undan ahan nganney ligatnah pangatam hinan alyonay eka mun'amoh ta pumhod'a.

Lebitikus 19:9

Ya wa'et munggapas ayu ya adiyu gapason nadan nundina'ging ya adiyu bo panuhon nadan nagah.

Matthew 9:2

Indani ya inyalin han linala'ih awadan Jesus han in'ayuddan naparalays. Ya innilanan nahamad di pangulugdan hiya ot alyonah nan mundogoh di, Adi'a minomnoman ot pinakawan'uy bahulmun iba.

Matthew 9:22

Ta nunligguh hi Jesus ya tinigona ot alyonay, Adi'a minomnoman an iba te gapuh nan pangulugmu ya pinumhod'a. Ya ona inalih diye ya na'ibagan pinumhod hidiyen babai.

Pilipay 4:8

Ya hay itugun'u bo i da'yu ya hanat hay nanongnah nomnomnomonyu ya nadan immannung ya maphod ya nipto' ya nadan umipa'amlong an pangat.

Ruth 2:7

Hidin nawi"it ya immalin nangibaga hi'on mabalin an mamanuh awadan nadan binto' hi indoggan nadan munggapas ot iyabulut'u. Ta inhipunah din nawi"it an agge immoh'ohnong an ammuna nan na'omtang an ena nun'iblayan hinan nahiduman.

Ruth 2:9

Tigom nan umaldananda on nitnud'a i dida ot pinadana' hinadan mumpangilog an linala'i ta ma''id ha atonda i he''a hi adi maphod. Ya na'uwoh'a'e ya wahdi nan liting hinan buwod an hinagubda.

1 Samuel 3:16

Mu alyon Eli di, Imbabale' Samuel? Ya alyon Samuel di, Tanganu?

1 Samuel 3:6

Mu nada'dani ya impidwan bon Apu Dios an alyon di, Samuel. Ta bimmangon bo ot umeh awadan Eli ot alyonay, Tanganu? Mu alyon Eli di, Agge da'a man inayagan. Ekaot malo'.