Psalm 93:1 - Nan Hapit Apu Dios

¹ Hi Apu Dios ya ongal di abalinana ya hiyay na'abbaktun patul. Ya hiyay nangihamad an nangigopnad hinan lutah nan awadana ta ma''id ha mabalin hi mangidlig.

Psalm 93:1 Iomraidhean Croise

1 Chronicles 16:30

Ot an namin ta'un tataguh tun luta ya hanat tumakut ta'un adi umun'unud i hiya. Te hiyay nangihamad an nangigopnad hitun luta ta adi mabalin an madlig.

1 Chronicles 16:31

Ot hanat mun'am'amlong ta'un namin an wah tun luta ya ta'on on nadan wah ad lagud. Ya ipa'innila ta'uh abobboble an hi Apu Dios di ap'apu.

1 Chronicles 29:12

Ya an namin an kinadangyan ya hay apemanan ya he"ay alpuwana te he"a nimpey ap'apu hi an naminamin. Ya he"a ya abuh di mabalin an mangdat hi abalinan di tatagu.

Job 40:10

Athidi'ey a'atmu ya agam ta ipatigom an madayaw'a ya na'abbaktu'a.

Psalm 103:19

Te hi Apu Dios an wahdih nan tronona hi ad abunyan ya hiyay mun'ap'apu hi an naminamin.

Psalm 145:13

Hanan pun'ap'apuwam Apu Dios ya munnananong an ma"id ha pogpogna. Ya ma"id ha ibahhom hinadan ibagam ya an namin di atom ya mipatigoy ulem.

Psalm 18:32

Ya hiya nan Dios an mangdat hi abalina' ta maphod di pangat'u.

Psalm 59:13

Ot agammot mo ta dadagom dida ta ma"id ha mabatin dida. Ta wan panginnilaan di atagutaguh abobboble an he"a an Dios di ap'apumin tinanud Israel.

Psalm 65:6

Te innilami an he"ay nunlumuh nadan billid an gapuh nan ongal an abalinam

Psalm 65:7

ya abalinam bon padinongon hanan bungug di dalluyun hinan baybay ya ta'on on hay ngalan di tataguh abobboble.

Psalm 75:3

Te umat hinan alyog an ta'on on umalyog ta miwagot an namin di wahtun luta mu punnanongo' damdama nan nigopnadan tun luta.

Psalm 96:10

Ya ipa'innila ta'uh abobboble an hi Apu Dios di patul. Hantun luta ya nahamad di inatnan nangigopnad ta adi mabalin hi madlig. Ya athidi bo an nipto' di atona an munhumalyah tatagu.

Psalm 97:1

Hi Apu Dios ya hiyay Ap'apu. Ot maphod on an amin ta'un wahtun luta ya mun'am'amlong ta'un hiya an ta'on on da'yun numpunhituh nan pingngit di baybay.

Psalm 99:1

Hi Apu Dios ya hiyay patul an inumbun hi baktun nan numbattanan nan duwan kerubim. Ta hiya nan gumayonggongday tatagu ya umalyog tun luta an gapuh nan ongal an abalinana.

Isaiah 11:5

Ta nipto' nimpey atonan mun'ap'apu an ma"id ha ibahhawana.

Isaiah 45:12

Te ha"on di nunlumu hitun luta ya nadan tatagu an nunhituhtu. Ya atbohdi an ha"on di nunlumuh ad lagud. Ot ipanuh'uy aton nadan dakkodakkol an bittuwon ya nan algo ya nan bulan hi ad lagud.

Isaiah 45:18

Te hi Apu Dios an nunlumu hi ad lagud ya ta'on on tun luta ot ipanuhna ta mabalin an punhituwan di tatagu ya alyonay, Ha"on ya abuh di Dios an ma"id ha udum.

Isaiah 49:8

Alyon bon Apu Dios di, Hitun pamoddanga' i da'yu ya tobalo' nan dasalyu ta ihwang da'yu. Ya ipapto' da'yu ta da'yuy ahi e mangibagah nadan tatagu hinan ibaga' an ato' i dida. Ta umanamut ayu ta munhitu ayuh nadan ninganuy an bobleyu ta mibangngad nan amaphodna tuwali.

Isaiah 51:16

Ya ha"on an nunlumu nimpe hi ad lagud ya nangigopnad hi nipabunan tun luta ot ipa'innila' nan tugun'u i da'yu ya gapuh nan ongal an abalina' ya hinandiyan da'yu. Ot alyo' i da'yun i Zion di, Da'yuy tatagu'.

Isaiah 51:9

Ot ha"on an hi Isaiah ya alyo' di, Agam ni' bahan Apu Dios ta ipatigom nan ongal an abalinam ta boddangan da'mi. Ta umat hidin inatmuh ad Egypt an nipaddungan nan buwaya an hi Rahab an pinatem hinan wangwang an nungngadan hi Nayl.

Isaiah 52:7

Ta hiya nan ha"on an hi Isaiah ya alyo' di, Umipa'amlong hi pummangmangan ta'uh nadan manayyuh nadan billid ta umalidan ipa'innila nan maphod an ma'at an hidiye nan e ta'u luminggopan ya nan e ta'u ihwangan. Ta alyonda i dita'u an i Zion di, Immannung an nan Dios an dayawonyun tinanud Israel di Ap'apu.

Isaiah 59:17

Te hay hapiyona ya nan nipto' an pangatna. Ya hay inhelmetna ya nan abalinana an mangihwang hi tatagu. Ya hay inlubungna ya nan paddungnay lubung di e mangiballoh hinadan mamalpaligat hinadan tataguna.

Isaiah 63:1

Ha"on an hi Isaiah ya alyo' di, Nganne nin hidiyen tagun mangali an nalpuh ad Bosrah hi ad Edom an nunlubung hi lubung di patul an nadadala? Ya matigoh nan panallana an ongal di abalinana. Ya himmapit ya alyonay, Ha"on nan nipto' di pangatna an ongal di abalinana an mangihwang hi tatagu.

Matthew 6:13

Ya adim bahan iyabulut di nunhiglan apatnaanmi ta wan adi da'mi baliyan hinan diyablu.

Hebrew 1:8

Mu hay inalinah a'at nan Imbabalena ya alyonay, He''a Apu Dios, ya ma''id ha pogpog di pun'ap'apuwam. Ya nipto' di pangatmun mun'ap'apu

Nipa'innila 19:6

Ya wada boy dingngol'un hapit di dakkodakkol an tatagu an umat hinan mun'ungak an liting ya umat boh nan kikinduulna an kidul an alyonday, Haleluya! Madayaw hi Apu Dios. Te hiya an ongal di abalinana an Dios an ma''id ha nipaddungan di abalinana di mun'ap'apuh an naminamin.