Psalm 9:2 - Nan Hapit Apu Dios

² Te gapun he''a ya nunhiglay amlong'u ta ikankanta' di pundayaw'un he"a an na'abbaktun Dios.

Psalm 9:2 Iomraidhean Croise

Psalm 138:1

Ongal di punhanaa' i he''a Apu Dios ta hiya nan ikankanta' di pundayaw'u i he"a hi hinangngab nadan dios di udum an tatagu.

Psalm 26:7

Ta ikankanta' di punhanaa' i he''a ya ipa'innila' nadan mapmaphod an ina'inatmu.

Psalm 27:6

Ta ma"id ha abalinan nadan binuhul'un munli''ub i ha"on ot ma"id ha bahhonan abako' dida. Ta hiya nan hinan e' pangidawatan hi i'nong'un Apu Dios hidih nan pundayawan ya olto'olto' di pangikanta' hi pundayaw'un hiya.

Psalm 28:7

Te hiyay nangipabikah i ha"on ya hiyay paddungnay hapiyo'. Ta hiya nan nanongnan hiyay pundinola' te hiyay bumanoddang i ha"on. Ta hiya nan nunhiglay amlong'u ya ikankanta' di punhanaa' i hiya.

Psalm 43:4

Ta ikankanta' hidiy pundayaw'un he"a ya ipagangoh'u nan harp te he''ay nangipa'amlong i ha"on.

Psalm 5:11

Mu hanadan mangididinol i he''a an gapuh pamhoddan he"a ya hanat pa'amlongom dida ta nanongnan ikankantaday pun'amlonganda. Ya hanat ipappapto'mu dida ta minaynayun an mun'am'amlongda.

Psalm 7:17

Munhanaa' i Apu Dios hinan nipto' an pangatna. Ya ikankanta' di pundayaw'un hiya an na'abbaktun Dios.

Psalm 83:18

Ta lo'tat ya abulutonda an he"a an na'abbaktun Dios di ap'apu hitun luta an ma''id ha udum.

Psalm 86:12

Ya ato' an namin di abalina' an mundayaw i he"a Apu Dios ta nan anabaktum di ipa'in'innila' hi inggana.

Psalm 92:1

Mun'am'amlong ami an mangikankantah pundayawmi ya punhanaanmi i he"a Apu Dios an na'abbaktu.

Psalm 92:4

Mun'am'amlonga' Apu Dios an gapuh nadan inatmu ta hiya nan ikankanta' di pun'amlonga'.

Psalm 96:3

Ta ma'innilaan di tataguh abobboble nan anabaktuna ya nadan nakaskasda'aw an ato'atona.

Psalm 97:12

Ot an namin ta'un mangun'unud i Apu Dios ya hanat mun'am'amlong ta'u an mundayaw ya munhana i hiya.

Psalm 97:9

Te he''a Apu Dios di na'abbaktun ap'apuh tun luta an ma''id ha nipaddung i he"a hinadan dios di udum an boble.

Daniel 5:18

Hi Apu Dios an na'abbaktu ya numbalinona din hi apum an hi Nebukadnesar hi nabaktun patul an ongal di abalinana ya nundongol ta pemanan di tatagu.

Pilipay 4:4

Ot dita'un kimmulug ya mahapul an nanongnan mun'am'amlong ta'u te waday niyatan ta'uh nan Ap'apu ta'un hi Jesu Kristu. Ot ipidwa' bon ibaga an hanat mun'am'amlong ta'u.