Psalm 9:18 - Nan Hapit Apu Dios

¹⁸ Te nadan mahmo' an nun'awotwot ya adi minaynayun an minganuyda. Te aton Apu Dios nadan dawadawatonda.

Psalm 9:18 Iomraidhean Croise

Psalm 102:17

Ta i diye ya donglom mohpey dasalmin mahmahmo' an tatagum.

Psalm 102:20

ya dongdonglonay palak nadan nun'ibalud ta hiya nan ilubusna dida hinan edaot pamatayan i dida.

Psalm 109:31

Te he''a ya nundadaan'a an mamoddang hinadan mahmo' an tatagu. Ta ihwangmu dida hinadan naminhod an mamate i dida.

Psalm 12:5

Mu alyon Apu Dios di, Tinigo' di na'na'at hinadan nun'awotwot. Ya dingngol'uy pumpahmo'an nadan tatagun napaligat hi nangat nadan tatagun adi maphod di pangatda i dida. Ta hiya nan ad uwani ya ihwang'u dida te hituwey hihimlondah ma'at.

Psalm 139:19

Ot hanat dadagom Apu Dios hanadan adi maphod di pangatda ta umaandahtu nadan pumatepate.

Psalm 50:22

Ot da'yun nangiwalong an mangun'unud i ha''on an Dios ya hanat igongahanyu tun ibaga'. Te onha inaynayunyun mungngohen ha"on ya ma"id ha bahhonan dadagon da'yu ya ma"id ha namnamaonyuh mangihwang i da'yu.

Psalm 71:5

Te nihipun hi a'unga' ya he''a tuwali an na'abbaktun Dios di nangidinla' hi nitaguwa'.

Psalm 72:4

Te boddangana nadan maligatan ya nadan nun'awotwot. Ya dusaona nadan tatagun mamalpaligat hi ibbada.

Psalm 9:12

Te boddangam nadan mapalpaligat ya dusaom nadan mamalpaligat i dida.

Proberbs 23:18

Ot atom'ehdi ya mipa'annung nan namnamaom an em pumhodan hi udum an algo.

Proberbs 24:14

Ya hay nipaddungan nae ya nan nahamad an tugun. Te nan nahamad an tugun ya ipaphodnay pangiye''em ta wan waday dinolmuh nan em pumhodan hi udum hi algo.

Luke 1:53

Ya indatnay mahapul nadan nun'awotwot. Mu hanada'en kakadangyan ya nun'ituda'na dida an ma"id ha indatnan dida.

Luke 6:20

Indani ya intigon Jesus hinadan itudtuduwana ot alyonay, Nan tagun mahapulnay boddang Apu Dios hi ena pangatan hinan pohdona ya hiyay mipa'amlong te hiyay middum hinan pun'ap'apuwan Apu Dios.

James 2:5

Da'yun i'iba, nomnomonyu tun ibaga'. Dakol nadan nun'awotwot an kimmulug an pinilin Apu Dios an ibilangnah kakadangyan an gapuh pangulugda. Ta ta'on on dida ya middumdah nan pun'ap'apuwana te hidiyey imbaganah ma'at hinadan tatagun naminhod i hiya.