Psalm 84:1 - Nan Hapit Apu Dios

¹ Ongal di abalinam Apu Dios ya nunhiglan ma"aphod nan Templom.

Psalm 84:1 Iomraidhean Croise

1 Patul 22:19

Ot inayun Mikayah an alyon di, Donglonyu'e te umman tinigo' hi Apu Dios an inumbun hinan tronona hi ad abunyan ya an namin nadan dakkodakkol an anghelna ya timma'dogda hi nangappit hi winawwana ya hi iniggidna.

Nehemiah 9:6

Te he"a ya ammuna nan Dios an nunlumuh an namin an wadah ad lagud an umat hinadan bittuwon. Ya he"ay nunlumuh tun luta ya an namin nan wahtu ya ta'on on nadan baybay ya an namin nan wadahdi. Ya he''a boy alpuwan di itaguwan. Ta hiya nan an namin di wah ad abunyan an umat hinadan anghel ya daydayawon da'a.

Psalm 122:1

Ma"amlonga' hidin alyon nadan tatagu di, Ume ta'uh nan Templo hi ad Jerusalem.

Psalm 132:5

ta ingganah on waha iha"adan nan Kahun an nittuwan nan Hapitmu an ongal di abalinana an Dios an dinayaw din ammodmin hi Jacob.

Psalm 27:4

Ha ahan di dawato' i Apu Dios ya onha mabalin ya pohdo' an mi'hituwa' hinan balenah ad uwanin atagu' te pinhod'un dayawon hiya ya pinhod'un tigtiggon nan nunhiglan amaphodna.

Psalm 36:8

Te dakol nadan idatmun itanudmi. Ya atbohdin idatmuy liting hi inumonmi an malpuh nan maphod an wangwang.

Psalm 42:1

Apu Dios, he"a ahan di ma'ahhapul'u an umata' hinan na"uwoh an ulha an adi mangmanghop an e manama' hi liting.

Psalm 43:3

Hanat papatalom bahan tun paddungnay munhihillong an nitaguwa'. Ta ipa'innilam nadan tugunmu ta wan innilao' di nipto' hi ato'. Ya ibangngada' bahan hinan nabillid an awadan nan Templom ta e da'a dayawon hidi.

Psalm 8:1

Apu Dios an na'abbaktun Ap'apu, hanan amaphodmu ya ma"id ha nipaddunganah nadan wahtun luta ya ta'on on hanadan wah ad lagud.

Psalm 81:1

Hanat mun'am'amlong ta'u ya olton ta'un mangikankanta hi pundayaw ta'un Apu Dios te hiyay mangipappapto' i dita'un tinanud Israel.