Psalm 80:8 - Nan Hapit Apu Dios

⁸ Da'mi din mi'alig hi himmangon greyp an inilpum hi ad Egypt. Ot pa'aanom nadan numboblehtu ta paddungnay intanom da'mihtu.

Psalm 80:8 Iomraidhean Croise

Psalm 31:17

Adim bahan iyabulut an mibabaina' te he''ay pumpahmo'a' hi bumoddang i ha''on. Ta hanadan adi maphod di pangatday mibabain. Ya innayundan nate ta way atondan duminong hinan lubu'an.

Psalm 44:2

an umat hinan inatmun nangipa'abak hinadan adi umunud i he"a an nunhitu ni' ituwen boble ta immaandahtu. Ot idatmu i handidan a'ammodmih tuwen boble ot wagaham dida ta pinumhod di nitaguwanda.

Psalm 60:3

Te nunhigla bo aya tayyay namalpaligatmun da'mi an paddungnay impa'inuman da'mih bayah ta ahidadappingan ami.

Psalm 78:55

Ya impa'aana mo tuwali nadan nunhituhdi ta handidan a'ammod ta'un tinanud Israel di nihukkat an nunhituhdi. Ta nunggogodwa"anda nadan lutada ya diday nunhituh nadan baleda.

Jeremiah 12:10

Ot madadag mo ahan nan paddungnay natanoman hi greyp te pun'igatinda nadan intanom'u. Ta hidiyen mapmaphod an boble ya mumbalin moh adi maboblayan.

Jeremiah 2:21

Yaden hay ni'aliganyu ni' ya nan ap'aphodan an greyp an pinili' ot iphod'u an itanom. Mu ad uwani ya umat ayuh nan greyp an nalgom di himmangawana.

Ezekiel 15:6

Ot hiya nan ha"on an na'abbaktun Dios ya alyo' di, Nadan nunhituh ad Jerusalem ya umatdah nan wakal hinan muyung an hay usalda ya on mitungu ya abuh

Ezekiel 17:6

Ta hidin himmango ya matigo an hidiye nan greyp an adi tumage te ay wakal an kumayabbah. Ya nanginlalamut ya nangintuttubu. Ya hanadan hapingna ya nidongdongdah nangappit hi awadan nan agila.

Ezekiel 19:10

Paddungna boy hi inayu nan greyp an nitanom hinan pingngit di wa"el an nanginhahapang ot mangimbubbunga.

Apostoles 7:45

Ya hidin nateh Moses ya nihukkat hi Joshua an nangipangpangulu i dida. Ya nan boblen umayanda ya wadaday nunhituhdi mu gapuh boddang Apu Dios ya inabakda dida. Ya hidiyen tabernakel ya nanongnan wadan dida ta ingganaot matanudan hi David an numbalin hi patulda.

Joshua 13:6

An namin datuwen boble an middum nadan boblen di i Sidon hinan nun'abillid an nihipun hinadan billid an nungngadan hi Lebanon ta ingganah ad Misrepot-Maim ya ha"on di mangipa'aan hinadan numpunhituhdi. Ot tigom ta idatmu danaen boble hinadan ibbam an tinanud Israel ta miyunnudan hinan imbaga' i he"a.