Psalm 77:8 - Nan Hapit Apu Dios

⁸ Ya ma"id nin mo ha naminhodnan da'mi ta adina mo ipa'annung nadan imbaganah atona.

Psalm 77:8 Iomraidhean Croise

2 Samuel 14:14

Ot inayunan alyon di, An namin ta'u ya immannung an mate ta'u. Ya hay ate ya paddungnay liting an wa'et nikuyag hinan luta ya adi mabalin bon akupon. Mu hi Apu Dios ya adi mabalin an namaaggon inhiwwenay ohan tagu i hiya mu atonay abalinana ta mumbangngad hidiyen tagu i hiya.

Psalm 13:2

Nadne mahan mo tayyan ma"id ha linggop di punnomnom'u. Ta abigabigat on ona' umukayungan. Ot anuud bahan tatawwa ya ahim padinongon di pangaba'abakan nadan binuhul'u i ha"on?

Psalm 74:1

Tanganu on da'mi bahan tatawwa ingnganuy i he''a Apu Dios hi inggana? Undan minaynayun di bungotmun da'min tatagum?

Psalm 85:6

Agammot bahan ta pabikahon da'mi bo ta wan dayawon da'a.

Isaiah 27:11

ta namagananda'e nadan hapangda on pinating di binabai ta panunguda. Athituy ma'at i dita'u te adi ta'u ahan imatunan nadan at'aton Apu Dios. Ta hiya nan adi dita'u hom'on i hiya an nunlumu i dita'u.

Jeremiah 15:18

Mu tanganu on minaynayun di punholholtapa' an nipaddung i ha hugat an ad'addi mapoyanan. Undan adiya' boddangan i he"a ta umat'ah nan wa"el onu obob an matdu' hinan tiyalgo?

Bilang 14:34

Ta din napat (40) di algo an eyu nunsi'iman hi ad Kanaan ya mumbalin hi napat (40) di tawon an punligatanyu an gapuh bahulyu ta wan innilaonyuy a'atna hi'on ha''on di bumungot i da'yu.

Bilang 23:19

Hi Apu Dios ya adi umat hi tagu an mabalin an munlayah. Ya adi munlinumman di nomnomna an adi umat hi tagu. Ya an namin di ibagana ya ipa'annungna.

Roma 9:6

Ta'on on dakol hinadan Judyu di adi kumulug ot adi damdama mabalin hi alyon ta'uy imbahhon Apu Dios nan inalina. Te ta'on on diday ma'alih holag Israel ya adina ibilang didan namin hi imbabalena

2 Peter 3:9

Ta ta'on on alyon di tataguy pun'ul'ullayonan mangat hinan imbagana ya adi athidi mu manu'e ya nunnaud di anusna ta way aton nadan tatagu an muntutuyuh nan inatdan bahul te hay pohdona ya ma''id ha ta'on hi ohah taguh mihi"an i hiya.