Psalm 74:15 - Nan Hapit Apu Dios

¹⁵ Ya he''ay nangipatuluh liting hinadan ulih ya wa''el. Ya he"a boy nuntudu' hinadan o"ongal an wangwang.

Psalm 74:15 Iomraidhean Croise

2 Patul 2:14

Ot ihoplatnah diyen oddah di lubung Elijah hinan liting ot alyonay, Daan'a Apu Dios an dayawon Elijah? Ot munhi"an nan liting ot umagwat.

2 Patul 2:8

Ya inaan Elijah nan oddah di lubungna ot ludunona ot ihoplatnah nan liting. Ya nunhi''an nan liting ya namaganan nan luta ta nangi'wandan immagwat.

Psalm 105:41

Ya impahawwangna boy liting hinan doplah an umat i ha wa"el hidih nan agge naboblayan ta inumonda.

Psalm 114:3

Ya hidin numpatigoh Apu Dios hidih nan baybay an mumbolah ya nunhi"an nan liting. Ya atbohdiy na'at hinan liting hinan wangwang an nungngadan hi Jordan.

Psalm 78:15

Ya dinoltakna nan doplah ta bimmudduh di liting ta waday ininumdahdih nan agge naboblayan.

Isaiah 11:16

Ya nada'en mabati an tatagun Apu Dios hi ad Assyria ya waday maphod an kalata hi awonda ta umat i handidan a'ammodda an nan bugut di inunu'unudda hi nalpuwandah ad Egypt.

Isaiah 44:27

Ya alyo"e boy matdu' nadan nalitingan ya umannung an ma'at.

Isaiah 48:21

Ta umat hidin nangipanguluwa' hinadan a'ammodyu hinan na'appudut an luta an agge naboblayan an ma"id ha inumonda ot padoltak'u nan doplah ya himmawwang di liting.

Habakkuk 3:9

Ya atbohdi hi nangukatam hinan panam ot agam hi pana. Ta nun'atotommang nadan luta ta nawadaday wangwang.

Bilang 20:11

Ot inayun Moses an itagge nan hu''ud ot ipidwanan idoltak hinan doplah ya mun'ungak di liting an manawang ta imminum nadan tatagu ya nadan animalda.

Joshua 2:10

Te dingngolmiy inat Apu Dios hidin nunhi"anona nan liting hinan baybay ot maganana ta mabalin an ini'wayuhdih din nalpuwanyuh ad Egypt. Ya dingngolmi boy nangabakanyuh nadan duwan patul an tinanud Amor an da Sihon i Og hinan bobleh nangappit hi tuluwan di algo hi'onta wah nan wangwang an nungngadan hi Jordan.

Nipa'innila 16:12

Ya ingkuyag damdaman nan mi'anom an anghel nan nittuh nan malukungna hinan damunan wa''el an nungngadan hi Euprates ya na'ibagan natdu' ta mabalin an pangi'wan nadan patul an malpuh nangappit hi tuluwan di algo an e mi'gubat.