Psalm 73:23 - Nan Hapit Apu Dios

²³ Mu maphod ta he"ay namnamdon i ha"on ta nanongnan impapto'a' i he"a.

Psalm 73:23 Iomraidhean Croise

Hidin Hopapna 17:1

Hidin nahiyam ta hiyam (99) di tawon Abram ya numpatigo boh Apu Dios i hiya ot alyonay, Ha''on nan ongal di abalinanan Dios. Ot maphod on unudona' ya nanongnan nan nipto' di atom.

Psalm 139:18

Te onha mabalin ta bilango' nadan nomnomnomom ya adiya' pa'abbilang te umatdah nadan panag hinan da'ging di baybay. Mu ta'on on athidi ya hinan bumangona' hi abigabigat ya innila' an wadawada'a an mumpapto' i ha"on.

Psalm 16:8

Ya innila' an wadawada'a Apu Dios an mumpapto' i ha''on ta hiya nan madinola'.

Psalm 23:4

Ot ta'on on wadaday punligata' ta aya' mate ya adiya' tumakut te innila' an wadawada'an Dios an mumpapto' i ha"on. Ya hanan paddungnay patanongmu di pumbaliwmun ha"on.

Psalm 37:17

Te dadagon Apu Dios nan abalinan nadan adi maphod di pangatda. Mu ipapto'na nadan maphod di pangatda.

Psalm 37:24

Ya ta'on on waday apatnaanda ta paddungnay nikudlihda mu adida munnananong hidi te pata'dogon Apu Dios dida.

Psalm 63:8

Ot he''ay nanongnah pundinola' te ongal nan abalinam an mangibaliw i ha"on.

Isaiah 41:10

Ot adi ayu tumakut ya adi ayu minomnoman te ha"on nan Dios an dayawonyu ya wadawadaa' i da'yu. Ta gapuh nan ongal an abalina' ya pabikahon da'yu ya boddangan da'yu ya impapto' da'yu i ha"on.

Isaiah 41:13

Te ha"on an Dios an dayawonyu an mangipanapto' i da'yu ya alyo' di, Adi ayu nimpe tumakut ot boddangan da'yu i ha"on.

Isaiah 42:1

Alyon bon Apu Dios di, Ha ahan di nomnomnomonyu ya nan pinto"u an baal'u an indatta' hi abalinana ya hiyay mangipa'amlong i ha"on. Te ipiddum'u nan Espiritu' i hiya ta nipto' an namin di atona an mun'ap'apu hi tataguh abobboble.

Matthew 1:23

Nomnomnomonyu an ahi mawadaan han babai an ta'on hi ma"id ha inilo'nah lala'i. Ya hay iyayyamna ya han lala'i ta ngadananda hi Immanuel an hay pinhod nan Immanuel an ipa'innila ya wadah Apu Dios i dita'u.

Matthew 28:20

Ya itudduyun didan namin nan intugun'un da'yuh atonyu ta hiyay atonda damdama. Ot wadawadaa' i da'yu hi inggana.

Hebrew 13:5

Ya bokon bo hay pihhuy gagamgaman ta'u ituwen pi'taguwan ta'u ta adi ta'u unguhan nan wada i dita'u. Te hi Apu Dios ya inalinay adi dita'u inganuy ya adi dita'u taynan i hiya.