Psalm 71:20 - Nan Hapit Apu Dios

²⁰ Ot ta'on hi inyabulutmuy dakol an nunligata' mu madinola' damdama an paphodom di nitaguwa' ta ta'on ona' mun'atte'atte ni' mu aggem inyabulut an mateya'.

Psalm 71:20 Iomraidhean Croise

2 Samuel 12:11

Ya inalin bon Apu Dios i hiya di, Ya ibaga' bon he"a an waday ohah nadan pamilyam hi mangdat hi inomnomam. Te pun'ilo'na nadan ahawam hinan mapatal an ta'on hi punhintiggan di tatagu.

Psalm 119:25

Mun'atte'atteya' tee Apu Dios ot hanat pabikahona' bahan te hidiyey imbagam.

Psalm 138:7

Ta ta'on hi lini'woha' hi punligatan ya innila' an ipapto'a'. Ya he''ay mi'hanggah nadan mun'abungot an binuhul'u ta mihwanga' an gapuh nan ongal an abalinam.

Psalm 16:10

te innila' an hi Apu Dios ya adina punnanongon di linnawa' hi awadan di linnawan nadan numpun'ate te ha"on an pinto'na ya innila' an adina iyabulut an matano' di adol'uhdi.

Psalm 60:3

Te nunhigla bo aya tayyay namalpaligatmun da'mi an paddungnay impa'inuman da'mih bayah ta ahidadappingan ami.

Psalm 60:5

Ot donglom bahan tun dasalmi te innilami an pinpinhod da'min tatagum ta ihwang da'mi an gapuh nan ongal an abalinam.

Psalm 80:18

Ta adi da'a mo du'gon i da'mi. Ot hanat boddangan da'min umunud i he"a ta wan he"a moy dayawonmi.

Psalm 85:6

Agammot bahan ta pabikahon da'mi bo ta wan dayawon da'a.

Psalm 86:13

Te he''a ya ongal di pamhodmun ha''on te inihwanga' hinan e''ot atayan.

Psalm 95:4

Te hiyay ap'apun di an namin an wahtun luta an ta'on on hanadan wahnan billid ya nadan wah ad dalom.

Isaiah 26:19

Mu innilami an abalinam an mangihwang i da'mi ya abalinam an ibangon bo tun boblemi an paddungnay mahuwam. Ya ahi ikankantan nadan tataguy amlongda. Te nan em panaguwan i da'mi ya mi'alig hinan dulnuh nan mawi"it.

Isaiah 38:17

Te immannung an numbalinom nan nunholholtapa' hi pummaphoda'. Te gapuh pamhodmun ha''on ya inihwanga' hi ate ya pinakawanmun namin di numbahula'.

Jonah 2:6

Ta alyo"ot on munnanonga' mohdih nan pu''un di billid an dallom nan baybay mu tinaguwa' i he"a Apu Dios an dayawo'.

Mark 15:34

Ta hidin alas tres ya tinumkuk hi Jesus an alyonay, Eloy, Eloy, lama sabachthani. Hay ibalinan nan inalina ya, Apu Dios, tanganuna' ingnganuy i he''a?

Apostoles 2:24

Mu hi Apu Dios ya inabaknay ate te minahuwanah Jesus te adi mabalin hi minaynayun hi ate.

Epesus 4:9

Hay nitudo' ya alyonay immeh ad abunyan ta na'innilan immali ni' hitun luta

Nipa'innila 7:14

Ot alyo' di, Agge' innila Apu mu innila' an innilam dadiye. Ya alyonan ha''on di, Dadiye'en tatagu ya dida nan nanginaynayun hi pangulugda an ta'on on nunhiglay napalpaligatanda. Ya nan ma'pullaw an lubungday mangipa'innila an napakawan an namin di bahulda an gapuh nan dalan diyen ma'alih Kalnero.

1 Samuel 2:6

He"a Apu Dios ya abalinam an pogpogon di itaguwan ya atbohdi an abalinam an mahuwan di nate.