Psalm 71:2 - Nan Hapit Apu Dios

² Ot he''a an nipto' di pangatna ya donglom bahan di dasal'u ta boddangana' ta mihwanga'.

Psalm 71:2 Iomraidhean Croise

Psalm 143:1

Donglom bahan tun dasal'u an mumpahpahmo' i he''a Apu Dios. Innila' an nipto' di pangatmu ya adim ibahhon aton di ibagam ot hanat boddangana' bahan.

Psalm 143:11

Hanat ipa'annungmu nan imbagam an ihwanga' ta boddangana' bahan hitun punligata' ot innila' an maphod di pangatmuh tatagum.

Psalm 17:2

Te he''ay nanginnilah nipto' ot hanat ipa'innilam an ma"id ha bahul'u.

Psalm 17:6

Ot ad uwani ya he''a Apu Dios di pumpaboddanga' te innila' an tobalom di dasal'u. Ot hanat donglom bahan tun ibaga'.

Psalm 31:1

He''a Apu Dios di paddungnay ihi''uga' ot hanat adim bahan iyabulut an ma'abaka' ta adiya' mibabain. Ot he"a an nipto' di pangatna ya donglom bahan di dasal'u.

Psalm 31:2

Ot agam bahan ta mi'baga'an umalin mangihwang i ha''on. Te he"a nimpe nan paddungnay doplah an ihi''uga' onu binattun alad an manandin ha"on ta mihwanga' ta adayawam.

Psalm 34:15

Te hi Apu Dios ya ipappapto'na nadan tatagun mangat hinan miyunnudan hinan pohdona ya nundadaan an mangngol hi dasalda.

Psalm 43:1

Apu Dios, hanat ipa'innilam i datuwen tatagun adi mangun'unud i he"a an ma"id ha bahul'u. Ta he''ay mi'hangga i datuwen adi maphod di pangatda ta ihwanga' hinadan adi maphod an ninomnomdan aton i ha"on.

Daniel 9:16

Mu he"a Apu Dios ya nipto' nimpey pangatmu. Ot daan mo bahan ta idinongmu nan nunhigla an bungotmu hi ad Jerusalem an imbilangmuh boblem an awadan nan nabillid an niyappit i he"a. Te gapu tayyah nan numbahulanmi ya numbalin hi ad Jerusalem ya da'min tatagum hi punhimpipihulan di tataguh nunlini"odan.

1 Kulintu 10:13

Te ma"id ha bahhonan waday apatnaan ta'u mu athidi tuwaliy niyatan ta'un tatagu. Mu hi Apu Dios ya adina iyabulut ha apatnaan ta'u hi adi ta'u abalinan. Te an namin di apatnaan ta'u ya ongal di abalinan Apu Dios an bumoddang i dita'u ta wan mabalin an adi ta'u mabaliyan.