Psalm 7:2 - Nan Hapit Apu Dios

² Te onha adiya' ihwang ot ma"id ha bahhonan tiliwona' i dida ta eya' patayon ya nunggududay adol'u an umat hi pangat di layon.

Psalm 7:2 Iomraidhean Croise

2 Samuel 14:6

ya waday duwa an imbabale' an linala'i. Mu han ohan algo ya numpattedah nan puntanoman ya ma"id ha e mamol'ah i dida ot matey oha.

Job 10:7

an ta'on on innilam an ma"id ha bahul'u? Ya innilam bon ma"id ha mabalin hi mangihwang i ha"on hinan ongal an abalinam.

Psalm 10:9

Ta nipaddungdah nan layon an mumbota'. Ta wa'e ha mala''uh hinadan ma"id ha abalinanda on dimpapda ta iye"eda dida.

Psalm 11:1

Hi Apu Dios di dinlo' hi mangibaliw i ha''on. Ta hiya nan adiyu alyon hi bumtika' hinan muyung ta pato' hinan hamutin e mipa"ehdi.

Psalm 16:1

Hanat ipapto'a' Apu Dios te he''ay dinlo' hi mangibaliw i ha''on.

Psalm 17:12

Ta umatdah nan na'a'aggangan an layon an numbota' ta wa'e ha dimpapna on nun'a'ana.

Psalm 22:13

Ya umatda boh nadan mun'alumiyom an layon an nidadaandan umihakmal hi tagu.

Psalm 31:2

Ot agam bahan ta mi'baga'an umalin mangihwang i ha''on. Te he"a nimpe nan paddungnay doplah an ihi''uga' onu binattun alad an manandin ha"on ta mihwanga' ta adayawam.

Psalm 35:15

Mu hidin ha''on di maligatan ya mun'am'amlongda. Ya palpaliwa' ya na'amungda ot palpaligatona' ya nunhiglay bo udot di nangnangallidan ha''on.

Psalm 50:22

Ot da'yun nangiwalong an mangun'unud i ha''on an Dios ya hanat igongahanyu tun ibaga'. Te onha inaynayunyun mungngohen ha"on ya ma"id ha bahhonan dadagon da'yu ya ma"id ha namnamaonyuh mangihwang i da'yu.

Psalm 59:2

Ta wan ihwanga' i dadiyen adi maphod di pangatda an pumapaten tatagu.

Proberbs 19:12

Nan bumungot an patul ya atatakut an umat hinan mun'olmom an layon. Mu hummo"e bo ya maphod te umat hinan udan an sibugana nan nitanom.

Isaiah 38:13

Ta ahilohilong on hinolholtap'u nan himpangen hanakitanah adol'u an paddungnay punggudun di layon di tungal'u. Ta hay punnomnom'u ya mapogpog mahan moy nitaguwa'.

Deuteronomy 33:20

Ya hinada'en tinanud Gad ya inalin Moses di, Munhana ta'uh pangidatan Apu Dios i da'yuh damunan pumboblayanyu. Ya da'yu ya nipaddung ayuh nan layon an pungkalatnay ta'le ya ulun nan pi'yawwitna.

2 Timothy 4:17

Ya ta'on on tinaynana' hinadan ibba' mu aggeya' tinaynan i Apu Dios ta binoddangana' i hiya. Ta hiya nan waday tulid'un e nangitudtuduh nan mipanggep i Jesu Kristu ta mabalin an donglon nadan bokon Judyu. Ya inihwanga' hinadan naminhod an mamaten ha"on.

1 Peter 5:8

Mu mahapul an halipodpodon ta'u ta hanadan maphod di aton ta'u. Te hi Satanas an mi'buhul i dita'u ya umat hinan atatakut an layon an e manamahama' i ha patayona ta anona.

Judges 18:28

Ta ma"id ha bimmoddang i dida te nidawwidah ad Sidon ya ma"id ha ni'hayhayyupandah udum an boble. Hidiyen bobleh ad Lais ya nundotal an nihaggon hi ad Bet-Rehob. Ta nadan tinanud Dan ya impaphoddah diyen boble ot diday munhituhdi.