Psalm 59:16 - Nan Hapit Apu Dios

¹⁶ Mu ha''on'e ya amawimawi"it on ikankanta' nan ongal an abalinam ya nan ongal an pamhodmu te he"ay nahamad hi paddungnay ihi"uga' hinadan timpun di punligata'.

Psalm 59:16 Iomraidhean Croise

2 Samuel 22:3

Ya paddungna boy hapiyo onu nahamad an binattun alad an manandi i ha"on. Te ongal di abalinanan mangihwang i ha"on hinadan mun'abubungot an tatagu. Te paddungna nimpey doplah an nahamad hi ihi"ugan.

Job 15:23

Te innilanan agagga moy atayana ya alina ya anon di gayang di adolna.

Job 37:23

Nan ongal di abalinanan Dios ya adi mabalin hi tigon ta'u. Ya ongal nimpey abalinana ya maphod ya nipto' di pangatnah tatagu.

Psalm 101:1

Ikankanta' di pundayaw'un he"a Apu Dios ya ikankanta' nan ongal an pamhodmu ya nan nipto' an pangatmu.

Psalm 106:8

Mu ta'on on athidi ya inihwang damdaman Apu Dios dida te hiyay imbagana tuwali. Ya ta wan ma'innilaan di atagutagu an hiya ya ongal di abalinana an Dios.

Psalm 138:7

Ta ta'on hi lini'woha' hi punligatan ya innila' an ipapto'a'. Ya he''ay mi'hanggah nadan mun'abungot an binuhul'u ta mihwanga' an gapuh nan ongal an abalinam.

Psalm 143:8

He"ay pundinola' ot hanat hinan amawimawi"it ya ipanpanomnommu nan ongal an pamhodmu ya hanat itudduwana' hi nipto' hi ato'.

Psalm 145:11

Ya atbohdin ibanagbaggada nan anabaktun di pun'ap'apuwam ya nadan nakaskasda'aw an ina'inatmu an mangipatigo hinan ongal an abalinam

Psalm 21:13

Ot madayaw'a Apu Dios te ongal di abalinam. Ot ikankantamiy pundayawmin he''a.

Psalm 30:5

Manu te wa'e on bumungot hi Apu Dios mu agaggaon nabaoy bungotna. Mu hanan amaphodna ya punwagahna ya munnananong. Ot ta'on on ilablabi' an lumuwaluwa mu mabalin bo an pa'amlongona' hinan mawmawi"it.

Psalm 31:7

Ot madinola' ya mun'am'amlonga' hinan pamhodmun ha"on. Te tintinnigom nadan nunholholtapa' ya innilam nadan inomnoma'.

Psalm 36:5

Mu hanan pamhodmu ya pangipapto'mun da'mi Apu Dios ya adi malukud te umat hi numbattanan tun luta ya ad lagud.

Psalm 4:1

He''a Apu Dios di mangita'dog i ha"on. Ot daan mo bahan ta hom'ona' ta donglom di dasal'u ta boddangana'.

Psalm 46:1

Hi Apu Dios di nahamad hi ihi''ugan ya hiyay mangdat hi bikah ta'u. Ya nanongnan wadawadan bumoddang i dita'u hinadan punligatan ta'u.

Psalm 5:3

Binigat hinan mawmawi"it on mi'hapita' i he"a. On inanuha' an hadhaddon di pambalmu.

Psalm 77:2

Te hidin nunhiglay punligata' ya hiyay numpahmo'a' an inlablabi' an nangitaggeh ta'le' an nundasal mu hiyah diyen aggeya' binoddangan i hiya.

Psalm 86:13

Te he''a ya ongal di pamhodmun ha''on te inihwanga' hinan e''ot atayan.

Psalm 88:13

Ta hiya tee nan abigabigat on mumpahpahmo'a' i he"a.

Psalm 89:1

Nanongnan ikankanta' Apu Dios nan ongal an pamhodmu ya nan amaphodmu te adim ibahhon aton di ibagam hi atom. Ta ta'on on hanadan mun'atanudan ya ma'innilaanda.

Hay Nakakan 15:6

Ot he"a Apu Dios di ipabaktumi te ma"id ha nipaddungan di abalinam an paddungnay ginudum nadan binuhulmu.

Jeremiah 30:7

Manu'e ya nunnaud di ma'at i dida an ma"id ha nipaddungana. Te nunhiglay ahi punligatan nadan tatagu' an tinanud Israel. Mu hay umudi ya ihwang'u dida.

Roma 15:9

Ya hay oha boh gapunah immaliyan Jesu Kristu ya ta way aton nadan ta'on on bokon Judyu an mangidayaw i Apu Dios an gapuh nan homo'nan dida. Ta umat hidin impitudo' Apu Dios an alyonay, Midduma' hinadan bokon Judyu ta ikankanta' di pundayaw'un he"a Apu Dios an ta'on on idanan bobley awada'.

2 Kulintu 1:10

Ot hiyay nangihwang i da'mi i dadiyen atatakut an emi ot atayan. Ta hiya nan nanongnan madinol ami an hiyay mangih'ihwang i da'mi

Epesus 3:20

Hi Apu Dios an hiyay bumoddang i dita'u ya dakol di abalinanan aton mu nan ninomnom ta'un ibaga i hiya.

Hebrew 5:7

Hidin awadan Jesus hitun luta ya limmuwaluwan dimmasadasal ya nun'olotnay hapitnan numpahmo' i Amana te innilanan ammunah Apu Dios hi mabalin an mangihwang i hiyah ate. Ya gapu ta impada''ulnay adolna ta inunudnah Apu Dios ya dingngol Apu Dios nan imbagana.

1 Samuel 17:37

Ot hi Apu Dios an nangihwang i ha"on i dadiyen atatakut an animal ya hiya boy mangihwang i ha"on i naen i Pilistia. Ta lo'tat ya initbal Saul an alyonay, Ot ta'omman mo ya imme'a. Ot hanat hi Apu Dios di bumoddang i he"a.