Psalm 57:6 - Nan Hapit Apu Dios

⁶ Hanadan binuhul'u ya paddungnay binitbitday panawangdan ha''on ta hiya nan alyo' on mateya'. Ya nungka''utdah bitu ta pamitudan ha"on mu onnot on diday nabitu.

Psalm 57:6 Iomraidhean Croise

1 Chronicles 29:10

Hi David ya dinayawnah Apu Dios i diyen na'amunganda an alyonay, Madayaw'a an Ap'apu an dinayaw din hi apumi an hi Jacob. Ot nanongnan he"ay madayaw hi inggana.

1 Chronicles 29:11

Ya he"a Apu Dios ya ongal di abalinam. Ya he"a nan na'abbaktu an madayaw an Dios an nalpuwan an namin di wadah tun luta ya hi ad lagud. Ya ma"id ha udum di nabakbaktuh patul an mun'ap'apu hi an naminamin te he"a ya abuh.

Psalm 108:6

Ot donglom bahan tun dasalmi te innilami an pinpinhod da'min tatagum ta ihwang da'mi an gapuh nan ongal an abalinam.

Psalm 140:5

Te didan munlattuwag ya paddungnay nungka''utdah bituh nadan awo' te pinhoddan mabituwa'.

Psalm 142:3

Ya hi'on ma"id mo ha namnama' ya he''a Apu Dios di mangitudduh ato'. Te ta'on on idanay umaya' on waday ninomnom nadan binuhul'un aton hi panga"uldan ha"on.

Psalm 143:4

Ta hiya nan amod on'u iwalong di nitaguwa' te ay hanan ma"id mahan mo ha namnama'.

Psalm 145:14

Te boddangam nadan maligatan ya pabikahom nadan kimmapuy di punnomnomna.

Psalm 42:6

Mu hi ad uwani Apu Dios ya nunhigla tayyan umukayungana'. Ta hiya nan nomnomnomon da'ah tun awada' an nihaggon hinan wangwang an nungngadan hi Jordan an mamangmang nadan billid an nungngadan hi Hermon ya nan billid an nungngadan hi Misar.

Psalm 8:2

Ta ta'on on nadan goggolang ya u"unga on tinudduwam dida an mundayaw i he''a an gapuh anabaktum. Ta gapuh nan ongal an abalinam ya abakom nadan binuhulmu. Ya padinongom nadan mungngohen he"a.

Proberbs 28:10

Onha he''ay lummuh pumbahulan nan nipto' di pangatna ot lo'tat ya he''ay mabahbah an gapuh nan at'atom. Mu nan adina aton nan nibahho ya waday maphod an gunggunana.

Proberbs 29:5

Nan tagun hughugnudonay ibbana ya paddungnay nangapyah hulu ta aknaana.

Mikah 7:2

Manu'eh athituy ma'at ya ma"id mo ha ta'on hi ohah maphod di pangiye"enah tun numboblayan ta'u. Te an naminda ya han eda pumatayan di nonomnomonda ta ta'on on ha hi ibbada on paddungnay anuponda ta hablutonda.

Bilang 14:21

Ot hinaen hinapit'u ya immannung an umat hi a'immannung di anabaktu' an matigoh tun luta.