Psalm 57:3 - Nan Hapit Apu Dios

³ Ot ta'on on wah ad abunyan ya donglonay dasal'u ta ihwanga' i hiya. Ya boddangana' ta ma'abak nadan binuhul'u ta mibabainda. Mu hi Apu Dios ya ipatigona nan munnananong an pamhodnan ha"on ya adina ibahhon aton nadan imbagana.

Psalm 57:3 Iomraidhean Croise

Job 31:31

Ya iyuhuh nadan baal'un an namin di dumagguh balemi ya maphod di nangapnga' i dida ya pinangan'u dida.

Psalm 138:8

Ot hanat atom nadan ninomnommu tuwalin ma'at hi nitaguwa' te innila' an munnananong nan pamhodmu. Ot adi da'mi bahan iwalong an limmum.

Psalm 40:11

Ot hana ahan Apu Dios ta minaynayun nan homo'mun ha"on. Ya atbohdi nan pamhodmu ya pangipapto'mun ha"on.

Psalm 43:3

Hanat papatalom bahan tun paddungnay munhihillong an nitaguwa'. Ta ipa'innilam nadan tugunmu ta wan innilao' di nipto' hi ato'. Ya ibangngada' bahan hinan nabillid an awadan nan Templom ta e da'a dayawon hidi.

Psalm 61:7

Ya hanat iyabulutmu ta minaynayun di pun'ap'apuwana ya atbohdi nan punwagahmun hiya. Ya hanat nanongnay pangipapto'mun hiya an gapuh nan ongal an pamhodmu.

Isaiah 26:12

Mu da'mi'e ya hanat palinggopon da'mi i he"a Apu Dios. Te gapuh nan abalinam ya inatmi nadan maphod.

Bilang 23:24

Te dida ya ayda layon an adi duminong ta ingganah ona patayon nan mabalin hi anona ya ininumnay dalana.

John 1:17

Te ta'on on wada tuwali nan uldin an indat Apu Dios i Moses ya gahin di umalih Jesu Kristu ta hiyay mangipa'innilah nan nahamad an homo' ya nan immannung an ma'unud.

Apostoles 12:11

Ta patiyon mohpen Peter an aggena ininop an alyonay immannung hituwen na'at te hinnag Apu Dios nan anghelna ta inihwanga' hinan aton Herod ya nadan ninomnom nadan Judyu an aton i ha''on.