Psalm 53:5 - Nan Hapit Apu Dios

⁵ Mu lo'tat ya madatngan han gumayonggonganda hi takutda te ma''id ha nipaddunganah nadan udum an na'at. Te pundadag Apu Dios dadiyen mi'buhul hinadan tataguna ta mun'iwawagillang di tungalda. Ta nunhiglay ibabainanda an gapu ta inganuy Apu Dios dida.

Psalm 53:5 Iomraidhean Croise

Job 15:21

Ya dakol di mipanomnom i hiyan umipatakut. Ya ta'on on malinggop ya iyaguhna an ay waha manggop hi balena.

Psalm 14:5

Mu lo'tat ya madatngan han ahida gumayonggong hi takutda te hi Apu Dios ya ipatigonay pangihakitnah nadan tataguna.

Psalm 141:7

Ta ahida mohpe alyon di, Hanadan adi maphod di pangatda ya adi milubu' di adolda ta pamaag ya awakilat nadan tungalda ta umatdah nadan niwakat an batuh nan na'aladun luta.

Psalm 2:4

Mu hi Apu Dios hi ad abunyan ya ngihngihilana dida i diyen ninomnomdan aton.

Psalm 35:26

Mu hanat mibabain hanadan nungngihngihil i ha"on hidin maligligatana'. Ta dida an mangalih udu'dulda mu ha''on ya mumballin ta aggeda innilay at'attonda ya mibabainda.

Psalm 35:4

Ya hanat ipa'abakmu nadan naminhod an mamaten ha"on ta mibabainda. Ya hanat ulawom dida ta ma"id ha atondan mangat hinadan adi maphod an ninomnomdan aton.

Psalm 40:14

Ya hanat ulawom hanadan amod on mamate i ha"on ta ma"id ha pot'ondah atonda ta mibabainda.

Psalm 73:20

Ta hin'omtang ya ma"idda an umat i ha ininop an hinan pangigibo'an ya ma''id.

Proberbs 28:1

Nan adi maphod di pangatnan tagu ya namaaggon binumtik an ta'on on ma''id ha mamdug i hiya. Mu nan nipto' di pangatna ya umat hi layon an madinol an ma''id ha itakutna.

Jeremiah 49:15

Ya inalin bon Apu Dios di, Pumbalino' nan bobleyu hi ma"id ha abalinana ta pihulon di tataguh udum hi boble.

Jeremiah 6:30

Ta hiya nan iwalong'u mo bo dida ta umatdah nan mitopal an silber an ma"id ha hilbina.

Lamentation 2:6

Ya ta'on on nan Templo on inyabulutna an ay allung an nalakah nama"ihan nadan binuhulda. Ta pinogpognay pungngilinanda hinan Habadun tungo ya nadan udum an mangilin an algo. Ya gapuh nan nunnaud an bungotna ya inwalongna nan patul ya nadan padi.

Ezekiel 6:5

Ta mun'iwagillang di adolyun tinanud Israel hi hinangngab nadan bululyu ta awakilat di tungalyuh nadan nunlini"odan di pun'onnganyu.

Lebitikus 26:17

Ya iwalong da'yun ha"on ta abakon da'yuh nadan binuhulyu ta diday mun'ap'apu i da'yu. Ta gapuh takutyu ya pamaagyuh butik an ta'on on ma"id ha mamdug i da'yu.

Lebitikus 26:36

Ya nada'en mabatin da'yu ya pumbalino' hi ma'attakut ta ammuna ha gumiwol hi tubu hi'on dimmibdib on mamtik ayu. Ya pamaag bo on mamtik ayu ta mun'ihuhungbub ayu an ay waha mamdug i da'yuh binuhulyu.

1 Samuel 14:15

Ta nadan tindalun di i Pilistia an mi'gubat ya ta'on on nadan wadah nan kampuda ya nunhiglay takutda. Ya ta'on on nan luta ya immalyog ta nunnaud di inat Apu Dios an nangipatakut i dida.