Psalm 52:8 - Nan Hapit Apu Dios

⁸ Mu ha''on'e ya ma'allinggopa' an umata' hinan kayiw an immongngal hidih nan way Templo. Te ongal di dinol'u hinan munnananong an pamhodmu Apu Dios.

Psalm 52:8 Iomraidhean Croise

Psalm 1:3

Ot hanan tagun athidiy pangatna ya mawagahan an namin di atona. Te mipaddung hinan kayiw an himmangoh hinan da'ging di wangwang an adi madpal ta adi mibahhoy ena bumungaan.

Psalm 128:3

Ya dakol di i'imbabaledah nan ahawana ta mipaddung hinan ma'abbungan greyp. Ta na'amungda'e nadan imbabaledah nan pangananda ya nipaddungdah nadan manulun haping di olibo.

Psalm 13:5

Mu ta'on on athidi ya ma'dinnola' te innila' an munnananong nan pamhodmun ha''on. Ya mun'am'amlonga' te ihwanga' i he"a.

Psalm 147:11

Te hay umipa'amlong i hiya ya nadan tatagun mangun'unud i hiya ya mundinol hinan munnananong an pamhodna.

Psalm 33:18

Te umman ipapto' Apu Dios nadan mangun'unud i hiya ya mundinol hinan munnananong an pamhodna.

Psalm 58:11

Ta ahi way oha mohpe on alyonay, Wada peman di gun'udon di umun'unud i Apu Dios. Ya immannung an wadah Apu Dios an nipto' di pangatna an munhumalyah atagutaguh tun luta.

Jeremiah 11:16

Handi ya impaddung da'yun himpamobleh nan nitanom an olibo an maphod ya dakol di ibungana. Mu ad uwani ya pa'aliyo' di manadag i da'yu. Ta dadiyen umalin binuhulyu ya nunhiglan ay mundalang an apuy di bungotda ta paddungnay gobhon da'yu.

Roma 11:24

Te umat hinan nitanom an kayiw an nalaklakah e pangipabangngadan hinan natungil an hapang hinan natungilana mu nan e pangihukkatan i ha hapang di oha bon kayiw.