Psalm 51:8 - Nan Hapit Apu Dios

⁸ Ta ta'on on nunhiglay nundusam i ha"on an paddungnay ginudum di tungal'u mu ta pa'amlongona' bon he"a.

Psalm 51:8 Iomraidhean Croise

1 Chronicles 29:17

Mu innila' an he"a Apu Dios ya on da'mi patnaon ya abuh ta ma'innila nan punnomnommi. Ya ma"amlong'a hinan maphod an aton nadan tatagum. Ya an namin datuwe an indat'u ya maphod nan ninomnom'u hi nangdata'. Ya tee bo an ma"amlonga' hi naniga' hi pamhod nadan tatagum an nangdat.

Psalm 13:5

Mu ta'on on athidi ya ma'dinnola' te innila' an munnananong nan pamhodmun ha''on. Ya mun'am'amlonga' te ihwanga' i he"a.

Psalm 30:11

Ot ta'on on immukayungana' ni' mu ad uwani ya mabalin an itayottayo' di amlong'u. Ya paddungnay inaanmu nan inlubung'un langgut ta hiya nan nunhigla nimpey amlong'u.

Psalm 35:10

Ta alyo' i hiya di, Immannung an he''a Apu Dios ya ma''id ha nipaddungam. Te ihwangmu nadan nakapuy ya nun'awotwot hinadan adi maphod an aton nadan waday abalinanda.

Psalm 38:3

an gapuh bungotmuh nadan bahul'u. Ta teen munhoholtapa' an hanakitana tayyay adol'u.

Isaiah 35:10

Ta umanamutdah ad Zion dadiyen paddungnay pinla'na an mungkankantadah pundayawda i hiya. Ya ha moy am'amlong di wada i didah inggana an adida mo minomnoman ya adida umukayungan.

Jeremiah 5:3

Ot alyo' i Apu Dios di, Innila' an hay hama'om ya nadan immannung an mangun'unud i he"a. Ya dusaom nadan tatagum an ahilalayah mu hiya damdama an adida idinong nan pumbahulan te onnot on namamay ngoheda an adida pohdon an muntutuyu ta wan un'unudon da'a.

Matthew 5:4

Ya mipa'amlong bo nadan tatagun umukayungan te pa'amlongon Apu Dios dida.

Luke 4:18

Hanan Espiritun Apu Dios ya wadan ha"on te ha"on di pinto'na an e mangipa'innilah nadan nun'awotwot hinan maphod an ma'at i dida. Ta milubus nadan paddungnay nabalud hi bahul. Ya atbohdin mipaphodday napilok ya mawayawayaanda nadan mapalpaligat.