Psalm 49:10 - Nan Hapit Apu Dios

¹⁰ Tigtiggon ta'u ot ta'on on nan nanomnoman an tagu ya mate ya atbohdi nadan paddungnay ma"id ha nomnomda an mateda. Ta midat nadan kinadangyandah nadan mamoltan.

Psalm 49:10 Iomraidhean Croise

Psalm 17:14

Ta ihwanga' i dadiyen adi maphod di pangatda. Te on han nomnomnomonda ya nadan magamgaman hitun luta. Ot hanat dusaom dida ta holholtaponda nan lebbengnan dusada. Ya hanat ta'on on hanadan imbabaleda ya apapuda ya mi'inhoholtapda.

Psalm 39:6

Ya umat boh nan a''o an agagga on nama''id. Ta ta'on on ilapulaput di tagun e tumamutamu mu nat'on di ahi mangusal hinadan kinadangyana.

Psalm 49:17

te mate'e ya ma"id ha ohah itakina i dadiyen kinadangyana an onda mabatih tun luta.

Psalm 73:22

an umata' hinan animal an ma"id ha nomnomna te adi' ma'awatan di a'atmu Apu Dios.

Psalm 89:49

Hihimlo' Apu Dios di pangipatigam hinan ongal an pamhodmu an umat hi inatmu handi ta atigan nan alyom hi adi mibahhon atom nan imbagam i handin ammodmin hi David.

Psalm 94:8

Da'yun paddungnay ma"id ha nomnomnan tatagu ya undan anuud ya ahi ayu manomnoman?

Proberbs 11:4

Nan kinadangyan di ohan tagu ya ma''id ha iboddangna hi'on nadatngan di punhumalyaan Apu Dios hinadan tatagu. Mu nan pangatan di ohan taguh nan miyunnudan hinan pohdon Apu Dios di mangihwang i hiyah ate.

Proberbs 12:1

Nan tagun pohdonan matugun ya hidiyey panginnilaan an pohdonan matudduwan. Mu nan adina pohdon an patugun ya paddungnay ma"id ha nomnomna.

Proberbs 14:24

Nan nanomnoman an tagu ya nan kinadangyanay gunggunana. Mu nan paddungnay ma"id ha nomnomna ya mundingngol an gapuh nan ama"id ha nomnomna.

Proberbs 30:2

Ha"on ya ma"id ha in'innila' ya ma"id ha ma'awata' an aya' tayya bokon tagu.

Ecclesiastes 2:26

Ot nan tagun hi Apu Dios di pa'amlongona ya idattanah maphod an punnomnom ya la'ing ya am'amlong. Mu hanada'en mangmangngat hi bahul ya diday mangamu'amung hi kinadangyan ta midat hinadan tatagun hi Apu Dios di pa'amlongonda. Ta ma"id ha hilbinan ayda pudpuduggon di dibdib.

Jeremiah 10:8

Mu nadan natudduwan an mundayaw hi bulul an dios ya paddungnay ma"id ha nomnomda te ma"id ha hilbin dadiyen bulul.

Jeremiah 17:11

Ot nadan tatagun kimmadangyan an gapuh kuluk ya umatdah nan hamutin inobobana nan bokona itlug. Mu hay umudi ya mama"id hidiyen kinadangyanda. Ta ahida innilaon an ma"id ha nomnomda.

Luke 12:20

Mu alyon Apu Dios i hiyay, Ni'ibbahhoh naen ninomnommu te aggem innila an ad uwanin mahdom di atayam ot bokon he''ay mangikadangyan i danaen inamu'amungmu.

Hebrew 9:27

Ya nibaga tuwali an maminghan an matey tagu ta nate'e ya humalyaon mon Apu Dios.